L’accurtatoghji SPIP

Da facilità a messa in forma di i testi, u sistema prupone parechji «accurtatoghji SPIP» in u scopu di :
-  simplificà l’affari à l’utilizatori chì ùn praticheghjanu micca u linguagiu HTML;
-  facilità u trattamentu autumàticu d’appaginamentu.

Ma chì sò ?

L’accurtatoghji s’appoghjanu nant’à i tasti chì sò pocu pocu aduprati in i testi, in particulare e parèntesi alate (« {} »), da passà prestu prestu in modu itàlicu o grassettu, per esempiu.

L’itàlicu è u grassettu sò inghjennati da i seguenti accurtatoghji, inseriti direttamente in i diversi campi di u spaziu privatu :

«Testu {in itàlicu}, testu {{in grassettu}}»

cusì cumpariscerà, in autumàticu, nant’à u situ pùbblicu :

«Testu in itàlicu, testu in grassettu»

L’accurtatoghji permettenu di stampittà testu in ligna di modu fàciule guasi quant’è à scrive un e-mail.

Tipugrafia autumàtica

In autumàticu SPIP rispetta e principale règule di spaziu di a tipugrafia francese. Cusì sò aghjunti in autumàticu spazi micca spicchèvuli nanz’à i caràtteri « : », « ; », « ! », « ? », è dinù nanzu è dopu à e virgulette (« »).

Lista di l’accurtatoghji

Sò dispunìbuli assai accurtatoghji, chì permettenu di creà intertìtuli, lee ipertestu, liste o numerazioni, tavuloni, citazioni è note di fondu di pàgina, è dinù d’inserisce ducumenti multimedia dentr’à i vostri testi.

Ùn ne avemu prupostu quì a lista sana sana, chì tutti quelli accurtatoghji sò allistinati è spiegati bè in l’aiutu in ligna di u vostru situ. Eccu ne quantunque unepochi, da esempi, frà i più sparti :

Unepochi d’accurtatoghji currenti
FunzioneAccurtatoghjuCum’ellu vene
Testu in itàlicu {Testu in itàlicu} Testu in itàlicu
Testu in grassettu {{Testu in grassettu}} Testu in grassettu
Intertìtulu {{{Intertìtulu }}}

Intertìtulu

Lista
-* elementu
-* elementu
-* elementu
  • elementu
  • elementu
  • elementu
Lea ipertestu [Lea ipertestu->http://www.spip.net] Lea ipertestu
Imàgine <img12>

Ma possu quantunque scrive in HTML ?

S’ella vi pare, pudete di sicuru scrive còdice HTML direttamente in i vostri testi. Ma vi cunsigliemu d’aduprà in priurità quelli accurtatoghji, prima perchè vene più faciule à ramintà si li, è dopu perchè ch’elli subiscenu un trattamentu autumàticu assai interessante : SPIP i rimpiazza da u còdice HTML aggalabatu è cunvalidatu, li attribuisce una tipugrafia ghjusta, l’accuppieghja à selettori à prò di u webmaestru chì cusì ne pò fà l’assestu gràficu di modu più fàciule, invece chì ùn serà micca fatta à colpu sicuru per u còdice chè vo averete inseritu voi.

Autore tavamig Publié le : Mis à jour : 26/10/12

Traductions : عربي, български, català, corsu, English, Español, français, italiano, Nederlands, Português do Brasil, slovenčina, Türkçe, українська