Dumande è risposte

Cumu truvà risposte ?

Sò assai i spazi d’aiutera frà utilizatori di SPIP, è dinù belli fattivi. Invitemu dunque ognunu, quant’omu pò, à ùn carcà li micca di robba per nunda : quelli chì ci venenu a facenu à prò di tutti, è ùn rispunderanu micca à e dumande s’elle sò troppu ustinate o puru sgarbate.

Prima di tuttu, principiate puru per cunsultà cum’ellu ci vole sta ducumentazione, in particulare e FAQ; tante dumande sò discursate custì. Assai utilizatori mantenenu aghjurnatu u situ di i cuntributi esterni SPIP-CONTRIB : hè un tesoru d’infurmazioni è di suluzioni à vari prublemi.

Da ùltima arricumandata : ùn multiplicate micca e chjame à l’aiutu per nunda mandendu listessu messagiu à parechji lochi (liste di ragiunate, fori, altri siti...). Ùn ci hè megliu da esse mal’visti da quelli chì forse vi pudianu purtà aiutu.