U statutu di l’autori in SPIP

Sè vo avete i vostri còdici di cunnessione à un situ SPIP, site «autore» di stu situ.

Esistenu in SPIP trè tippi d’autori : i visitori, i scrittori è l’amministratori.

  • U visitore hè unu chì pò accede solu à e parti cunfinate di u situ pùbblicu è à i fori ch’ellu ci s’hè abbunatu. Ùn hà nisun accessu à a parte privata (/ecrire) di u situ.
  • U scrittore hè unu chì hà accessu à u spaziu privatu è chì pò solu scrive testi è prupone cuntenuti (testi è multimedia) à a valutazione. Hè quessu u statu u più spartu.
  • L’amministratore hè unu chì hà accessu à u spaziu privatu è dinù chì si tene «tutti i diritti» nant’à u situ : aghjunta, mudìfica è sguassata di cuntenutu, rilettura è currezzione di i testi scritti da l’altri scrittori, mudìfica di l’arburatura, etc. è sopratuttu pubblicazione nant’à u situ pùbblicu.
    Hè dinù u rispunsèvule murale di u cuntenutu di u situ.
    • L’amministratore cunfinatu hè un amministratore chì i so diritti venenu cunfinati à una o parechje rùbbriche.
Esempi di diritti currenti di l’autori SPIP
VisitoreScrittoreAmministratore
Pò :

  • Visità u situ pùbblicu
  • Participà à i fori à abbunamentu di u situ pùbblicu [*]
Pò fà tuttu ciò ch’ellu pò fà un visitore, è dinù :



  • scrive cuntenuti novi : scrive un nuvellu artìculu, un nuvellu dispacciu [*], aghjunghje imàgini è ducumenti, riferisce un situ web [*], etc.
  • prupone sti nuvelli cuntenuti à esse turnati à leghje prima di a pubblicazione ;
  • cuntinuà à scrive è currege i so artìculi «in corsu di scrittura» o puru «pruposti à a pubblicazione» ; mudificà un dispacciu «da cunvalidà» [*] ;
  • turnà à leghje è cummentà l’artìculi pruposti à a pubblicazione da altri scrittori ;
  • vede in antìcipu l’artìculi «pruposti à a pubblicazione» nant’à u situ pùbblicu [*] ;
  • cunsultà a lista di l’autori ;
  • cunsultà a lista di i segni [*] ;



Ùn pò micca :

  • Mudificà un artìculu pubblicatu, puru essendu ne l’autore ;
  • Creà una nuvella rùbbrica.
Pò fà tuttu ciò ch’ellu pò fà un scrittore, è dinù :



  • Pubblicà i cuntenuti nant’à u situ pùbblicu : cunvalidà è pubblicà un artìculu, un dispacciu, un situ, etc.
  • Mudificà i cuntenuti digià pubblicati ;
  • Muderà i fori di ragiunata ;
  • Assucià un nuvellu autore à un artìculu ;
  • Mudificà i diritti è statuti di l’altri autori ;
  • Creà nuvelli autori ;
  • Mudificà i paràmetri di cunfigurazione generale di u situ ;
  • Attivà, disattivà è parametrà funziunalità in soprapiù.

Da predefinitu, SPIP prupone solu trè statuti sferenti : ma bastanu quessi à a larga per gestisce a maiò parte di i siti. Hè quantunque pussìbule di stende quella lista di statuti è di diversificà ne i diritti, in particulare riguardu l’aghjunta di plugins specìfichi.

Note

[*S’ella hè attivata sta funziunalità.

Autore tavamig Publié le : Mis à jour : 26/10/12

Traductions : عربي, català, corsu, English, Español, فارسى, français, Nederlands, Português do Brasil, slovenčina, Türkçe, українська