Las variablas de personalizacion

Daus uns comportaments de las paginas de vòstre sit se pòdon modificar gràcias a de variablas PHP. Aquelas variablas, normalament quo es SPIP que las definís, mas, per obténer una personalizacion mai fina dau sit, lo webmèstre las pòt modificar.

Ont chau indicar aquelas variablas?

Quo es inutil d’intrar dins lo quite còde font d’SPIP per fixar aquelas variablas (bon!).

-  Per l’ensems dau sit

Se volètz fixar aquelas variablas per l’integralitat dau sit, las podètz indicar coma globalas, amb una sintaxi un pauc diferenta, dins un fichèir entitolat mes_fonctions.php3, que se plaça a la raiç dau sit. (Eventualament chaudrá crear aquel fichèir e enrodar las definicions de vòstras variablas amb de marcadors <?php e ?>, vejatz los exemples çai sos.)

-  Per chasque tipe d’esqueleta

[SPIP 1.4] Maitot podètz definir aquelas variablas, esqueleta per esqueleta. Per aquò faire, las chau installar au començament dau fichèir PHP que crida l’esqueleta (per exemple article.php3, rubrique.php3...). S’inserisson naturalament au costat de las variablas obligatòrias $fond e $delais. Veire los exemples

Las variablas dau tèxt

Aquelas variablas s’utilizan pendent qu’SPIP calcula la compaginacion (correccion tipografica).

-  $debut_intertitre fixa lo còde HTML inserit a la dobertura daus intertítols (per la ’corcha {{{). En estandard, sa valor es:

$debut_intertitre = "\n<h3 class=\"spip\">\n";

-  $fin_intertitre es lo còde HTML inserit a la barradura daus intertítols (’corcha }}}). Sa valor normala es:

$fin_intertitre = "</h3>\n";

-  $ouvre_ref es lo còde que dobrís las cridas de las nòtas de pè de pagina; per defaut, quo es un espaci insecable e una parentèsi cairada de dobertura ([);

-  $ferme_ref es lo còde de barradura de las cridas de las nòtas de pè de pagina; per defaut, quo es una parentèsi cairada de barradura (]).

-  $ouvre_note es lo còde de dobertura de la nòta de pè de pagina (cama apareis dins #NOTES); per defaut, quo es una parentèsi cairada de dobertura ([);

-  $ferme_note es lo còde de barradura de las nòtas de pè de pagina (una parentèsi cairada de barradura: ]).

De chausidas alternativas, per exemple, serán d’utilizar de parentèsis; o mai gentament, de dobrir amb lo tag HTML <sup>, e de barrar amb </sup>.

-  Lo fichèir puce.gif e la variabla $puce. Quand començatz una linha nuòva amb un tiret, SPIP lo remplaça amb una petita “nèira” grafica. Z-es lo fichèir puce.gif installat a la raiç dau sit que constituís aquela nèira; podètz modificar aquel fichèir segon vòstres besonhs. Mas maitot, vos mesme podètz decidir de fixar coma chausir la nèira, a travèrs de la variabla $puce. Per exemple per indicar un autre fichèir grafic:

$puce = "<img src='mapuce.gif' alt='-' align='top' border='0'>";

o per un element HTML non grafic:

$puce = "<li>";

Las variablas per los forums publics

Existisson de variablas que permeton de fixar lo comportament daus forums publics amb de mots clau.

NB - S’utiliza aquelas variablas mas quand creatz de forums publics ont los vesitaires pòdon seleccionar de mots clau; doncas lor utilizacion es bassètz especifica (e z-es pas evidenta...).

-  $afficher_texte (“òc”/“non”). Per defaut, s’es concebut los forums publics per permetre aus vesitaires d’intrar lo tèxt de lor messatge; mas quand se prepausa de chausir de mots clau dins aqueles forums, se pòt decidir que ges de messatge es util e que mas la seleccion daus mots clau es importanta. En aquel cas, se poirá indicar:

$afficher_texte = "non";

-  $afficher_groupe permet d’indicar los grops diferents de mots clau que se desira de prepausar dins aquel forum. D’efèit, totes los forums d’un sit son pas forçadament identics, e se, en daus uns endreits, podètz voler afichar una seleccion de totes los grops de mots clau (aqueles qu’avètz rendut accessibles aus vesitaires dempuèi l’espaci privat), a d’autres endreits, podètz voler utilizar solament daus uns grops, a mai pas un grop (gran dau tot de seleccion de mots clau).

La variabla $afficher_groupe es un tablèu (array), e doncas se construtz de la manèira seguenta:

$afficher_groupe[] = 3;
$afficher_groupe[] = 5;

impausa unicament l’afichatge daus grops 3 e 5.

$afficher_groupe[] = 0;

interditz l’utilizar de mots clau dins aqueles forums (puèi que ges de grop de mots clau numerotat “0” —zèro— existís pas).

S’òm indica pas ren (òm precisa pas $afficher_groupe), aquò vòu dire que s’utiliza totes los grops de mots clau indicats coma “prepausats aus vesitaires dau sit public” dins l’espaci privat.

Enebir l’afichatge daus botons d’administracion

Chasca pagina d’esqueleta aficha de «botons d’administracion» (en particular: «tornar calcular aquela pagina») quora òm es administrator e qu’òm a activat lo cookie de correspondéncia. Aquela foncion, fòrça practica per gerir lo sit, pòt venir geinanta dins quauques cas; per exemple per de fichèirs XML, que volètz sobretot pas veire perturbats per aqueles apondis.

[SPIP 1.7] La variabla flag_preserver permet d’enebir aqueles afichatges.

$flag_preserver = true;

Veiretz per exemple l’emplec d’aquela variabla a la pagina backend.php3.

Lo dorsèir de las esqueletas

[SPIP 1.5] Se desiratz de botar las esqueletas de vòstre sit dins un dorsèir particular, per exemple per faire d’assais de plusors jòcs d’esqueletas trobats a Internet, o perque quò vos agrada que s’estreme ben las chausas, etc, podètz fixar la variabla $dossier_squelettes dins mes_fonctions.php3.

<?php
    $GLOBALS['dossier_squelettes'] = 'design';
?>

D’aquel moment enlai, SPIP anará quèrre en prioritat las esqueletas presentas dins lo dorsèir design/ (que l’auretz creat a la raiç dau sit). Se, en mai d’aquò, utilizatz <INCLURE(xxx.php3)>, SPIP anará quèrre lo fichèir xxx.php3 d’en primèir dins design/, puèi, se lai figura pas, a la raiç dau sit.

Los avantatges d’aquel renjament pòdon semblar evidents (separacion melhora dau còde d’SPIP e de l’estructura dau sit, possibilitat de chamjar tot un ensems d’esqueletas en un còp solet, etc); l’inconvenient principau es que quò será mai malaisat de visualizar las esqueletas a travèrs d’un navigador simple. De fait, quitament se son plaçats dins aquel sosdorsèir, l’HTML que chap dins aqueles fichèirs d’esqueleta es concebut coma s’èran a la raiç. Per aquela rason, los liams vèrs los imatges o los CSS riscan de “se rompre”.

Exemples

-  Per modificar de variablas unicament per un certan tipe d’esqueletas (per exemple per las paginas de rubricas), sufís de las definir dins lo fichèir de crida d’aquelas esqueletas. Per exemple, per las rubricas, se pòt fixar de valors directament dins rubrique.php3:

<?php
    $fond = "rubrique";
    $delais = 2 * 3600;
    $espace_logos = 20;
    include ("inc-public.php3");
?>

Aicí, s’es modificat la valor de l’espaci a l’entorn daus lògos.


-  Per modificar de valors de variablas dins l’ensems dau sit, se las pòt definir dins lo fichèir mes_fonctions.php3.

Atencion, quand se definís de valors dins aquel fichèir, chau utilizar imperativament la sintaxi $GLOBALS['xxx'] per chascuna de las variablas de personalizar. Per exemple, per definir la valor de $debut_intertitre, s’utiliza la sintaxi $GLOBALS['debut_intertitre'].

Los besonhs imperatius de seguretat daus sits impausan que s’utilize aquela sintaxi.

<?php
    $GLOBALS['debut_intertitre'] = "<h3 class='mon_style_h3'>";
    $GLOBALS['fin_intertitre'] = "</h3>";

    $GLOBALS['ouvre_ref'] = '&nbsp;(';
    $GLOBALS['ferme_ref'] = ')';
    $GLOBALS['ouvre_note'] = '(';
    $GLOBALS['ferme_note'] = ') ';

    $GLOBALS['espace_logos'] = 0;
?>

Aqueste article es en occitan auvernhat.

Autor : Domergue Sumien, Mòni Publié le : Mis à jour : 21/03/23

Traductions : عربي, català, English, Español, français, italiano, Nederlands, òc lengadocian