SPIP, qu’es aquò ?

Un sistèma de publicacion per l’Internet

Un sistèma de publicacion

Un sistèma de publicacion per l’Internet. Qu’es aquò ? S’agís d’un ensemble de fichièrs, installats sus vòstre compte Web, que vos permetton de profechar mantun automatisme : gerir vòstre sit collectivament, metre en pagina vòstres articles sens aver besonh de picar en HTML, modificar aisidament l’estrucura de vòstre sit...
A travèrs lo quite logicial que servís per vesitar un sit (Netscape, Microsoft Explorer, Mozilla, Opera...), SPIP permet de crear e de téner a jorn un sit, mercés a una interfàcia de bon utilizar. D’autres sistèmas de publicacion existisson ; cadun ten sas especificitats. Un dels mai coneguts actualament es phpNuke ; impausa al sit una estructura pro regda, jos forma de portalh amb d’articles cortets. SPIP es mai plegadís, e virat cap a la creacion d’un sit estructurat coma un magazin : valent a dire amb de rubricas, de jos-rubricas... ont se tròban d’articles e de brèvas que se pòdon completar de fòrums de discussion.

Perqué SPIP ?

SPIP es un logicial liure distribuit jos Licéncia Publica Generala GNU (GNU General Public License o GPL). Los besonhs logicials e materials de SPIP son rasonables e se pòdon trobar quitament en cò d’unes albergaires gratuits (veire la Fièra de las questions e lo manual d’installacion per mai de detalhs - o, per resumir a l’extrèma : PHP+MySQL).

SPIP es distribit a gratis sus aqueste sit.

L’interèst de SPIP es de...

-  gerir un sit Web de tipe magazin, valent a dire compausat mai que mai d’articles e de brèvas inserits dins una arborescéncia de rubricas imbricadas las unas dins las autras. Veire la tièra competa de las caracteristicas d’SPIP per mai de detalhs.

-  desseparar completament, e distribuir entre mantuna persona, tres menas de prètzfaches : la composicion grafica, la contribucion redaccionala via proposicion d’articles e de brèvas, e la gestion editoriala del sit (organisar las rubricas, validar los articles prepausats...).

-  estalviar al webmèstre e a cada actor de la vida del sit mantun aspecte fastigós de la publicacion sul Web, e mai de coneissenças tecnicas tròp longas d’aquerir. Installar SPIP se fa pas a pas, mercés una interfàcia simpla. Tre SPIP installat, podètz començar de crear las rubricas e los articles.

SPIP a las caracteristicas seguentas...

Pel(s) redactor(s) e administrator(s)

-  Una interfàcia Web intuitiva aisida fòrça la proposicion d’articles e de brèvas tant coma la gestion editoriala del sit. En mai d’aquò, d’acorchas tipograficas permeton de metre en forma un tèxt sens que siá necite d’utilizar lo lengatge HTML, aital cadun - e mai aja pas cap de coneissenças tecnicas - pòt contribuir a la redaccion del sit , qu’aquò es tant simple coma escriure un e-mail.

Pel webmèstre

-  Las esqueletas HTML (o "formats tipes") definisson l’aspècte grafic e la navigacion (ou « formats types »). Cada esqueleta HTML definís une "vista" (per exemple una vista per la pagina d’index, una autra per afichar una rubrica amb un resumit de son contengut, una tresena pel detalh d’un article, una autra encara per afichar las brèvas...). Unes pseudotags HTML, pro aisits de mestrejar, definisson cossí s’integra lo contengut redaccional del sit dins aquelas paginas.

-  SPIP limita pas las possibilitats graficas nimai navigacionalas del sit. Lo webmèstre definís entièrament las esqueletas del sit, pòt quitament gerir d’unes elements del sit amb SPIP e lo demai manualament o amb d’autres sistèmas de publicacion (a condicion, plan solid, qu’aqueles sistèmas sián tant tolerants coma SPIP).

Pels vesitaires

-  Un sistèma d’econdedor dins l’espaci public del sit rend mai aviada la navigacion pel sit en estalviar mantuna requista cap a la basa de donadas. En mai d’aquò, l’escondedor apara lo sit quora la basa fa fogassa (aquò arriva plan de còps amb de servidors subrecargats) : quora aquò arriba, lo sit demòra pasmens disponible gràcias a l’escondedor que serva en memòria las paginas ja consultadas. Pr’aquò, se pòt pas far cap de modificacion dels contenguts a aquel moment (quitament pas de contribucions als fòrums).

-  Un motor de recèrca e d’indexacion integrat a SPIP, lo webmèstre l’aja activat, permet de recercar una informacion sul contengut tot del sit public.

D’inconvenients

Ara per ara, SPIP es pro sople per demandar gaire d’esforces d’aprendissatge al webmèstre que ne vòl modificar la presentacion predefinida. Al contrari d’autres sistèmas fòrça constrenches coma phpNuke - basta de quichar un boton per ne cambiar la color e lo lògo mas es tot çò qu’avètz drèch de far-, al webmèstre jos SPIP, li cal aprene los qualques rudiments d’un sembla-HTML que li basta puèi per far quasi tot çò que vòl.

SPIP es balhat amb un format d’interfàcia de navigacion complet : podètz començar de vesitar vòstre sit tre qu’auretz començat de ne crear lo contengut. Apareisserà alara amb l’interfàcia grafica predefinida. Plan solid, lo webmèstre es liure de se crear una interfàcia grafica novèla.

D’avenidor, se prevei de porgir amb lo logicial mantuna presentacion, per permetre a la màger part dels webmèstres de n’utilizar una que lor ane plan e limitar l’esfòrç de personalizacion.

Exemples

L’exemple istoric de l’utilisacion de SPIP es lo webzine uZine2 (es lo còde, especific a la debuta al sit aqueste, que foguèt tornar emplegat per realizar l’SPIP generic). Entre autres sits que marchan amb SPIP, se pòt citar Le Monde diplomatique e Vacarme.

Perseguir...

Per anar mai luenh, e vos lançar amb SPIP, vos farà mestièr de legir la documentacion, los exemples e los « primièrs paupejaments » prepausats dins aquela rubrica. Podètz tanben utilizar las tièras de difusion per escambiar de questions, de biaisses e d’astúcias. A lèu-lèu !

Autor : Mòni Publié le : Mis à jour : 26/10/12

Traductions : عربي, asturianu, български, brezhoneg, català, corsu, Kréol réyoné, Kreyòl (Peyi Dayiti), dansk, Deutsch, English, Esperanto, Español, فارسى, français, galego, italiano, 日本語, Lëtzebuergesch, Nederlands, òc lengadocian, polski, Português, română, русский, slovenčina, Türkçe, українська, Tiếng Việt