Adattà SPIP à i so bisogni propri, prima di a 1.9
I mudelli, e balise, i cicli è i stacci
Da tanti versi si pò persunalizà SPIP. Sò stati sùbbitu colmi i primi bisogni di persunalizazione cù a gestione di i mudelli, schedari html purtendu si còdice SPIP è assestati in cartulari.
Omu pò creà i so propri mudelli, arrimbendu si à l’elementi standard cum’è e balise è i cicli, elementi ch’omu pò creà è persunalizà quant’omu vole.
Sì bisogna, omu pò scambià a manera ch’ella cumparisce una balisa, aduprendu i stacci, funzioni scritte in php in un schedariu di nome mes_fonctions.php.
In casu chì i vostri bisogni supraneghjinu u quatru di un clàssicu situ cù SPIP (cum’è per esempiu pubblicà artìculi nant’à Internet in cullaburazione frà scrittori), pò tandu diventà necessaria di mudificà una cria, o puru à fondu, u cumpurtamentu di SPIP, o d’aghjunghje nuvelli elementi edituriali, d’accuppià li è di gestisce li à traversu una interfaccia persunalizata, o più ergunòmica.
Mudificà u nòcciulu di SPIP
Per ghjunghje ne à quelle persunalizazioni, venia necessaria di mette in ballu qualchì riscrittura di i schedari di u nòcciulu, vale à dì di mudificà u còdice distribuitu di SPIP. Lege, era lege, bella sicura [1], ma tandu diventava a veghja di l’evuluzioni di SPIP robba pisiva è fastidiosa.
Adattà SPIP à i so bisogni propri, dipoi a 1.9
Toccu a versione 1.9, SPIP inizia un furmalìsimu da permette mudificazione è allargamentu armuniosu di u còdice. A maiò avanzata ne hè a pussibulità di "insità" (è di caccià l’insetu quand’omu vole, senza avè mancu toccu u còdice di u nostru SPIP novu fiammente...) certe megliurenze è mudìfiche varie. Sò cusì tante e pussibulità di persunalizazione chì u penseru hè oramai di facilità ne a stallazione, à prò di sè stessu quant’è chè di qualchì distribuzione pùbblica.
À livellu tècnicu, hà permessu l’iniziu di i plugins d’apre e seguenti pussibulità:
- si pò soprascrive ogni schedariu di u nòcciulu [2] cù tutte e funzioni chjamate sempre [3],
- Hè mantenuta un’interfaccia d’appiecazione (API) per via di a definizione d’unepochi d’entritoghji in u còdice.
Hà bisognu omu di realizà un plugin in quattru casi :
- Funzioni è upzioni : Creà u so primu plugin, tramutà è rende tramutèvule e so funzioni è e so upzioni à prò soiu o d’altri.
- L’entritoghju : intruduce, mentre u tempu d’attivazione d’un plugin, còdice in core di SPIP è mudificà in prufundezza u so funziunamentu.
- Mudificà i schedari nativi : in assenza d’entritoghju, mudificà e parti di u còdice di SPIP senza tuccà à u nòcciulu.
- Turnà à scrive u so propriu còdice : inventà u so propriu script da ch’ellu sia insitatu nant’à SPIP.
Sì di questi i bisogni ùn ne avete mancunu, lasciate puru corre e seguenti pàgine, ma osinnò, forse serete interessatu da ciò ch’elli vi ponu furnisce quelli plugins distribuiti da lìberu.