Ma primièra esqueleta

(la tiri de l’armari)

Cossí escriure una esqueleta que tenga mai o mens drecha

Se pòt que lo sistèma de las esqueletas vos impressione a primièra vista, es a dire que se li demanda de causas pro ricas l’obligar d’èsser complèx. Mas ! Complèx aquò vòl pas dire complicat. Vaquí un exemple minimal d’esqueleta.

Material necite per aqueste tutorial

-  Un SPIP installat endacòm. Se supausarà , per començar, que vòstra basa SPIP cap al mens una rubrica e dos articles publicats. Foguèsse pas encara lo cas, podètz lèu-lèu copiar-pegar los primièrs tèxtes qu’encontraretz (en tot verificar pasmens que s’agisca pas de la declaracion d’amor qu’aviatz destinada a la nòvia de vòstre collèga).

-  Un editor de tèxt pour crear e modificar los fichièrs qu’SPIP utiliza. De notar : D’unes auràn lo reflèx de voler utilizar DreamWeaver (o tot autre logicial grafic) per modificar los fichièrs .html. Pr’aquò, per d’exemples simplasses, DreamWeaver complicarà lo trabalh e risca de modificar vòstres fichièrs a la dessaupuda. Per aquesta rason, val cent còps mai utilizar un editor de tèxt classic (per exemple bloc-note de Windows)

Abans d’utilizar una esqueleta, la cal poder sonar: creatz al raiç de vòstre sit un fichièr tutorial.php3 amb las linhas seguentas

<?php
$fond = "tutorial";
$delais = 0;
include "inc-public.php3";
?>

Puèi ensajatz http://vostresit.net/tutorial.php3. Es pas l’estrambòrd, vertat ? Lo messatge d’error ditz que manca un fichièr. Aquò’s la famose "esqueleta", qu’ara anam crear.

Al raiç del sit, pausatz un fichièr tutorial.html, que conten aquò:

<BOUCLE_article(ARTICLES){id_article=1}>
#TITRE
</BOUCLE_article>

Puèi tornatz cargar la pagina http://vostresite.net/tutorial.php3. Aquò se melhora, trapètz pas? SPIP es anat querre lo títol de l’article n°1 de vòstra basa, e l’a afichat en plaça de #TITRE.

S’aquò marcha pas, verificatz que vòstre article n°1 es plan « publicat en linha » (e non pas « en espèra de validacion » o « en cors de redaccion »).

Puèi apondètz de HTML e d’autres apèls de «camps» SPIP, e lèu-lèu veiretz s’afichar vòstre article n°1:

<BOUCLE_article(ARTICLES){id_article=1}>
<h1>#TITRE</h1>
<b>#CHAPO</b>
<div align="justify">#TEXTE</div>
</BOUCLE_article>

Apondètz puèi los camps que mancan per acabar de completar l’afichatge de l’article: #SURTITRE, #LESAUTEURS, #SOUSTITRE, #NOTES, etc.

Òsca !

Autor : Mòni Publié le : Mis à jour : 26/10/12

Traductions : عربي, català, corsu, Deutsch, English, Español, فارسى, français, italiano, 日本語, Nederlands, òc lengadocian, polski, Português, русский, slovenčina, svenska, Türkçe, українська