Per ragioni di sicurità, ùn si ponu ricuarà i passwords. S’ellu ùn viaghja più u vostru, o sè vo vi ne site scurdatu, vi basta à piglià ne unu novu.
Prima di tuttu, calmate vi, ùn hè mortu nimu. Andate puru à a pàgina d’accessu à u spaziu privatu è cliccate nant’à « password dimenticatu ? ». Dopu rinsignate u vostru indirizzu e-mail (quellu arregistratu in u spaziu privatu) è riceverete un messagiu chì vi spiegherà cumu fà per ricuarà u vostru accessu.
In casumai ch’ella ùn viaghji quessa (per esempiu chì, per qualsìasi ragione, ùn possite prucede per e-mail) :
- S’elli esistenu altri amministratori fora chè voi, li pudete puru scrive da ch’elli vi scambiinu u vostru password è vi dessinu i nuvelli còdici (basta per elli à andà in a parte «scrittori» di u spaziu privatu è di cliccà nant’à «mudificà», à fiancu à u vostru accessu, poi sceglie un nuvellu password).
- O sinnò, sè vo site u solu amministratore, vi tuccherà à turnà à stallà SPIP da creà un nuvellu accessu (vede : «Cumu turnà à stallà SPIP ?»). Ma ùn v’inchetate, ùn ci hè bisognu di scaricà nisun schedariu : si tratta solu di turnà à creà un accessu amministratore, senza tuccà à i dati arregistrati.