<erreur_mysql>

{{{Larlik &egrave;k lo skel&egrave;t ?}}}

Kank SPIP i trouv inn kanar dann kominikasyon &egrave;k labazdodn&eacute; MySQL, li afis sir l&eacute;kran la rok&egrave;t i giny pa mars&eacute; &egrave;k lo mod&eacute;kri sak labaz-la la anway&eacute; (mod&eacute;kri-la l&eacute; rouz).

Lorizin larlik-la i p&eacute; sort :
- kiswa dinn tronpaz dann lad&eacute;finisyon out skel&egrave;t, si ou l&eacute; apr&eacute; sanz out sit;
- kiswa dinn pan labazdodn&eacute;.

Pa &eacute;gsanp, inn mod&eacute;kri lo tip <font color='red'><b>
_ <code>> Unknown column 'articles.chapi' in 'where clause'</code>
</b></font> li sinyal inn bouklaz sak i ap&egrave;l inn krit&egrave;r    dswa(<code>chapi</code>) li nav&eacute; pa pr&eacute;vi.

Pakont, inn mod&eacute;kri lo tip  <font color='red'><b>
_ <code>> Can't open file: 'spip_articles.MYD'</code></b></font>
li sinyal inn gro larlik sir bazodn&eacute; MySQL li-minm : dann ka-la, anon vwar out l&eacute;b&eacute;rz&egrave;r pou li arv&egrave;y son linstalasyon &egrave;k/ou aranz out bazdodn&eacute;. Si ou n&eacute;na inn z&egrave;n versyon MySQL (&agrave; partir de 3.23.14), i p&eacute; osi &eacute;s&egrave;y <a href="admin_repair.php3" target="_blank">inn aranzman otomatik labazdodn&eacute;</a>.

</erreur_mysql>

<ftp_auth>


{{{Lotantifikasyon sanm lo FTP}}}

Nana d&eacute;s&egrave;rtinn fonksyon d-SPIP i donn inn l&eacute;f&eacute; dir&egrave;k sir lastriktir &egrave;k lo kontni sa-minm d-labazdodn&eacute; 
(pa &eacute;gsanp: arnouv&egrave;lman, sovgard &eacute; rosarz d-labaz...). 

Por&eacute;zon sa zot fonksyon-la l&eacute; sensib &egrave; tr&eacute; inportan. Akoz sa-minm inn pros&eacute;dir lotantifikasyon &egrave;k lo FTP, li la finn d&egrave;t azout&eacute;. Li perm&egrave; limit lo danz&eacute; d&eacute;gr&egrave;n a tout sanm inn mov&eacute; itilizasyon. Fonksyon-la l&eacute; pli sir kank inn ti nonb do moun n&eacute;na laks&eacute; si lo serv&egrave;r dlo sit sanm FTP (pliparditann lo sit n&eacute;na plysi&egrave;r komand&egrave;r, somansa nana inn s&egrave;l w&egrave;bm&egrave;t, lo w&egrave;bm&egrave;t prinsipal sak na laks&eacute; sanm FTP). 

Pou anserv bann fonksyon-la, ifo zot i f&eacute; zw&eacute; ansanm bann z&eacute;tap indik&eacute; t&egrave;rla :

<UL><LI> kon&egrave;k azot sir out sit SPIP &egrave;k zot navigat&egrave;r ; dann komansman SPIP i va donn aou inn non komsa :  
&laquo;admin_{xxxxx}&raquo;, ramas ali. Li sra itil answit ;</LI>

<LI>kon&egrave;k azot si lo serv&egrave;r out sit sanm FTP; &eacute;pi kr&eacute; inn fisy&eacute; o (inn r&eacute;p&egrave;rtwar vid) dann dosy&eacute;-la : <TT>/ecrire/data</TT>. Fisy&eacute;-la (ou r&eacute;pertwar) ou va donn ali lo non :
&laquo;admin_{xxxxx}&raquo;;</LI>

<LI> Kank zot la fini sa, artourn sir out navigat&egrave;r, &eacute; rosarz lapaz. Lotantifikasyon FTP la roul ron. Lazisman sak zot la ni pour f&eacute; si lo sit, la giny f&eacute; zw&eacute; .</LI>

</UL>

</ftp_auth>

<artauteurs>

{{{Bann lot&egrave;r}}}

Kank inn komand&egrave;r o inn vizit&egrave;r anrozistr&eacute; sir lo sit i kr&eacute; inn lartik, ni lap&egrave;l ali lot&egrave;r lartik-la.
Souvandfwa i sra pou obliz&eacute; sanz bann lot&egrave;r (pou m&egrave;t ansanm dann t&egrave;ks-la lo t&egrave;ks inn ot moun, kank lo t&egrave;ks lartik-la ifo pa siyn ali ou kank n&eacute;na plisy&egrave;r moun pou &eacute;dit ali...)

- {{Azout inn lot&egrave;r}}

Ek Spip, n&eacute;na inn d&eacute;roul&egrave;r sak i rannkont lo fil do tout bann lot&egrave;r si lo sit. Li perm&eacute; swazi &eacute; azout inn nouvou lot&egrave;r.

{Si lo sit n&eacute;na plid 50 lot&egrave;rs, l&eacute; difisil pr&eacute;zant azot tout banna &egrave;k lo d&eacute;roul&egrave;r : akoz i manz trod tan d-sarzoman. Dann ka-la, SPIP i pr&eacute;zant aou inn ti-karo pou lo rodaz : dann karo-la, ifo zot i m&egrave;t lo non lot&egrave;r sak i v&eacute; azout &eacute;pi klik si lo bouton "rod". Si n&eacute;na plisy&egrave;r lot&egrave;r i rosanm non-la sir lo sit, sist&egrave;m-la i sava pa 
propoz aou swazi sanm inn fil. Por&eacute;zon ou dwa m&egrave;t inn non ou l&eacute; sertin lo rod&egrave;r i va trouv ali.}


- {{Artir inn lot&egrave;r}}

Pou artir inn lot&egrave;r, anon ou g&egrave;t dann lartik minm : nana inn bouton "artir lot&egrave;r-la" d&eacute;ry&egrave;r sakinn lo non pr&eacute;zan. Klik ali pou d&eacute;gr&egrave;nn sinpman lot&egrave;r-la. 

{Lot&egrave;r i sa &eacute;fas s&egrave;lman pou lartik-la ; pa pou lo fil  bann lot&egrave;r si lo sit .}


- {{M&egrave;t inn lot&egrave;r pou inn ot}}

Pou sa zot i dwa f&eacute; zw&eacute; d&eacute; z&eacute;tap : dabor azout lo nouvo lot&egrave;r &eacute;pi artir lo promy&eacute; ou v&eacute; d&eacute;gr&egrave;nn (anon vwar annl&egrave;r-la).

- Konsid&egrave;r byin sak bann komand&egrave;r i nana plis drwa sak tout bann lot&egrave;r. Zot i p&eacute; artir azot-minm s&egrave;l. Sa l&eacute; pa posib pou bann lot&egrave;r. Inn ot &eacute;gsanp l&eacute; : si n&eacute;na inn lot&egrave;r pou &eacute;kri inn lartik san non, li dwa domann inn komand&egrave;r azi pou li. Lo komand&egrave;r s&egrave;lman li sra kav f&eacute; zw&eacute; lop&eacute;rasyon-la.

</artauteurs>


<artchap>

{{{Sapo}}}

Lo {sapo}, l&eacute; inn t&egrave;ks takini. Zot i ap&egrave;l ali dann patwa-lapr&egrave;s akoz t&egrave;ks-la li l&eacute; zizt anl&egrave;r lartik kom inn sapo si inn kabos. L&eacute; pa obliz&eacute; anserv ali. Li l&eacute; opsyon&egrave;l.

{Bann komand&egrave;r i p&eacute; d&eacute;gr&egrave;n ali sanm figirw&egrave;b pou &laquo;<A 
HREF="aide_index.php3?aide=confart" TARGET="_top">lakonfigirasyon pr&eacute;siz</A>&raquo;.}

</artchap>

<artvirt>

{{{Tourn&eacute;-vir&eacute; ladr&egrave;sw&egrave;b pou inn lartik}}}

Lopsyon-la i perm&eacute; azot kr&eacute; in zartik virty&egrave;l : l&eacute; inn zartik &egrave;k inn non, inn dat, innd&eacute; lot&egrave;r... Tout bann soz-la l&eacute; anrozistr&eacute; sir out sit SPIP, somansa li l&eacute; artourn&eacute; sir inn ot ladr&egrave;s URL. Fonksyon-la, ni p&eacute; ap&egrave;l ali "tourn&eacute;-vir&eacute; ladr&egrave;sw&egrave;b" oubyinsa "lartournaz la pazw&egrave;b" ou ankor "lardir&egrave;ksyon".

Fonksyon-la i perm&eacute; azot r&eacute;f&eacute;rans tout bann zartik-d&eacute;or sir out prop sit SPIP. L&eacute; sirtou itil pou int&egrave;gr innd&eacute; zartik sak l&eacute; pa kr&eacute; &egrave;k inn sist&egrave;m SPIP. L&eacute; ankor plis itil si ou dwa ou v&eacute; r&eacute;f&eacute;rans dann out nouvou sit SPIP, innd&eacute; zot pazw&egrave;b ou la kr&eacute; avan sir inn sitw&egrave;b statik, an HTML s&egrave;l, pa &eacute;gsanp, ou v&egrave;k tout bann ot langaz-w&egrave;b. 

Pou indik out lartik l&eacute; inn lartik virty&egrave;l (pour "artoun inn zartik") m&egrave;t sinpman ladr&egrave;s URL dann ti karo anba d-bouton {"Tourn&eacute;-vir&eacute; ladr&egrave;sw&egrave;b"}. 

Pou d&eacute;gr&egrave;n lartournaz la pazw&egrave;b, d&eacute;vid sinpman  ti karo-la (ou l&eacute;fas ladr&egrave;s lartik-d&eacute;or).

</artvirt>

<artdate>

{{{Dat lapiblikasyon an liyn}}}

Dann plipardka {ladat} lartik l&eacute; la dat ou li [l&eacute; pibliy&eacute; an liyn} (li apar&eacute; sir lo sitw&egrave;b piblik).

- Dat-la SPIP i m&egrave;t ali otomatikman, kann zartik-la l&eacute; konfirm&eacute; sanm inn komand&egrave;r.

-Somansa komand&egrave;r-la i p&eacute; sanz ladat-la plitar, inn fwa lartik l&eacute; pibliy&eacute;. 

</artdate>


<artdate_redac>

{{{Avans ladat lapiblikasyon }}}

Fonksyon-la l&eacute; itil dann bann ka sp&eacute;sifik, kank ou v&eacute; anserv SPIP pou instal bann zarsiv &egrave;k inn dat dif&eacute;ran ladat la piblikasyon larsiv, pa &eacute;gsanp la dat son promy&egrave;r piblikasyon dann inn zornal, inn liv, tousala...


- Dat-la i afis pa, dann konfigirasyon abity&egrave;l, akoz lo bouton "Afis pa okinn dat pou lapiblikasyon davan" li l&eacute; pa s&eacute;l&eacute;ksyon&eacute;, kank lartik l&eacute; kr&eacute;&eacute;.


- Si ou v&eacute; afis inn dat komsa, l&eacute; n&eacute;s&eacute;ser aou swazi lopsyon "afis ladat" &eacute; anserv bann m&eacute;ni-d&eacute;roul&egrave;r pou m&egrave;t ali.

Dat-la,li l&eacute; pa kalkil&eacute; otomatikman kank lartik li l&eacute; konfirm&eacute; (kom ladat lapibilikasyon abity&egrave;l). Por&eacute;zon sa, ou p&eacute; sanz ali kank ou i v&eacute;.


{Sanm figirw&egrave;b pou &laquo;<A 
HREF="aide_index.php3?aide=confart" TARGET="_top">lakonfigirasyon pr&eacute;siz</A>&raquo;, bann komand&egrave;r i p&eacute; d&eacute;gr&egrave;n litilizasyon ladat pou lapiblikasyon davan.}







</artdate_redac>

<artdesc>

{{{D&eacute;kri vitman kosa i l&eacute;}}}

Karo-la {D&eacute;kri vitman kosa i l&eacute;} l&eacute; itil pou bat-kar&eacute; sir lo sit : li perm&eacute; aou indik lo t&egrave;m lartik, pa &eacute;gsanp.

Li l&eacute; pa obligatwar ; i p&eacute; &egrave;t mwindreman lon ou  minm takini, kom sa ou v&eacute;. Somansa li l&eacute; la fin d&egrave;t kr&eacute;&eacute; pou  m&egrave;t trwakat liyn sak i sava figir dan bann fil do ban zartik (bann som&egrave;r, bann list-zartik pou inn lot&egrave;r, listes des articles de tel auteur, triaz zartik sanm bann molak&eacute;, bann r&eacute;pons lo rod&egrave;r.).

{{Sanm figirw&egrave;b pou &laquo;<A 
HREF="aide_index.php3?aide=confart" TARGET="_top">lakonfigirasyon pr&eacute;siz</A>&raquo;, bann komand&egrave;r i p&eacute; d&eacute;gr&egrave;n lafisaz lo karo-la.}}
</artdesc>


          
<ins_img>


{{{Pou m&egrave;t bann zimaz dann t&egrave;ks}}}


Ek SPIP l&eacute; posib m&egrave;t bann zimaz dann lo t&egrave;ks out bann zartik &eacute; tit-nouv&egrave;l. Poutousa n&eacute;na plisy&egrave;r z&eacute;tap : ou i dwa anvwa dabor out fisy&eacute; limaz sir lo sit, &eacute;pi m&egrave;t limaz dann kor lo t&egrave;ks.

------

Pr&eacute;par aou: {{Bann forma d-bann zimaz}}

Kank zot i kr&eacute; out bann zimaz (&egrave;k out lozisy&egrave;l abity&egrave;l), 
swazi in forma kom:
- GIF (&eacute;ktansyon {{.gif}}),
- JPEG (&eacute;ktansyon {{.jpg}}),
- PNG (&eacute;ktansyon {{.png}}).

Pangar out fisy&eacute; n&eacute;na inn {fin}(ou &eacute;ktansyon) sak i indik lo forma : {{.gif}}, 
{{.jpg}} ou {{.png}}. Si ou instal inn fisy&eacute; san l&eacute;ktansyon-la, lo sist&egrave;m i p&eacute; pa lir ali.

------

&Eacute;tap 1 : {{Pou instal bann zimaz sir lo serv&egrave;r}}

<img src="AIDE/ins_img1.gif" alt=" " border="0" align="right">Avan ou i p&eacute; m&egrave;t out zimaz dann lo t&egrave;ks, l&eacute; n&eacute;s&eacute;ser instal azot sir lo serv&egrave;r. Ek SPIP, ou sava f&egrave;r sa &egrave;k lo figirw&egrave;b grafik.

Kank ou i sanz inn zartik o inn tit-nouv&egrave;l, n&eacute;na inn {karo} &laquo;Azout inn zimaz&raquo; dan kolonn-gos. Dann karo-la n&eacute;na inn bouton, sak i l&eacute; (s&eacute;lon out navigat&egrave;r) :  &laquo;parcourir&raquo;, &laquo;Browse&raquo;, &laquo;S&eacute;lectionner&raquo;, 
&laquo;File&raquo;, &laquo;Fichier&raquo;...

Kank ou i klik sir bouton-la, n&eacute;na inn ot figirw&egrave;b sak i apar&eacute;. Figirw&egrave;b-la i perm&egrave;t aou vizit out diks-dur pou indik lo fisy&eacute; grafik ou v&eacute; swazi.

Apr&egrave;sa, klik sir lo bouton "T&eacute;l&eacute;sarz". 

Si tousala li la mars&eacute;, out zimaz apar&eacute; dann kolonn-gos, &egrave;k plizy&egrave;r zot zindikasyon...

-------

&Eacute;tap 2 : {{Bann zinformasyon &egrave;k out limaz}}

<img src="AIDE/ins_img2.gif" alt=" " border="0" align="right">Kank out limaz l&eacute; anvway&eacute; sir lo serv&egrave;r, n&eacute;na in ti-karo sak i apar&eacute;, dann kwin gos l&eacute;kran. Tout bann linformasyon n&eacute;s&eacute;s&egrave;r l&eacute; pr&eacute;zant&eacute;. (N&eacute;na inn par sak l&eacute; s&eacute;r&eacute;, klik sir lo triang pou d&eacute;pliy  labwat-zinformasyon ou l&eacute; bour&eacute;.)

- {Afisaz sanm inn viny&egrave;t}. Inn many&egrave;r dvwar limaz avan i apar&eacute;. Dann ka limaz-la l&eacute; gran (plis d&eacute; 200 bann piks&egrave;l dann larg&egrave;r), inn versyon pli piti l&eacute; afis&eacute;. 


- {Bann r&eacute;diyon SPIP}. G&egrave;t anba : SPIP i rap&egrave;l aou bann 3 
&laquo;r&eacute;diyon&raquo; sak i perm&eacute; m&egrave;t out limaz dann t&egrave;ks. Si ou install plizy&egrave;r zimaz, sakinn n&eacute;na inn nim&eacute;ro : 
&laquo;IMG1&raquo;, &laquo;IMG2&raquo;... Bann &laquo;r&eacute;diyon&raquo; l&eacute; itiliz&eacute; dann trwazi&egrave;m &eacute;tap.


- {Latay limaz.} Lalarz&egrave;r &egrave;k laot&egrave;r out zimaz l&eacute; indik&eacute; zist anl&egrave;r limaz (sanm bann piks&egrave;l - ou &egrave;k &laquo;bann pwin&raquo;).

- {Titr &eacute; d&eacute;krisyon limaz.} Ou p&eacute;, si ou v&eacute;, indik inn non &egrave;k inn d&eacute;skrisyon pou sak zimaz. D&eacute;skrisyon-la i p&eacute; &egrave;t inn &eacute;splikasyon, bann zinformasyon sir bann drwa lot&egrave;r...

- {D&eacute;gr&egrave;n limaz-la.} Bouton-la i &eacute;fas lo fisy&eacute;. L&eacute; itil si ou la f&eacute; inn kanardaz dann manipilasyon, ou si ou v&eacute; pli ans&egrave;rv limaz-la dann t&egrave;ks-la. Ni kons&egrave;y aou &eacute;fas bann zimaz ou litiliz pli akoz pa sirsarz pou ryin lo serv&egrave;r &egrave;k tout bann fisy&eacute;-la.

Por&eacute;zon ou p&eacute; m&egrave;t tout bann zimaz na anvi dann tout lartik ou tit-nouv&egrave;l i v&eacute;, ou p&eacute; arkomans osi tout bann lop&eacute;rasyon d&eacute;kri t&egrave;rla, sir tout bann zimaz sak i v&eacute;.
   
-------

&Eacute;tap 3 : {{M&egrave;t inn zimaz dann kor lo t&egrave;ks}}

Dann l&eacute;tap-la, tout bann fisy&eacute; grafik l&eacute; byin pr&eacute;zan sir lo serv&egrave;r. Ou dwa indik ast&egrave;r ousa ou v&eacute; m&egrave;t azot dann kor lo t&egrave;ks. L&eacute; pa bezwin azout inn kod HTML, SPIP i propoz aou inn "r&eacute;diyon" pou m&egrave;t out limaz fasilman.

- {Bann zimaz san ladilaf&eacute;}

Pou sakinn d-bann zimaz, n&eacute;na bann 3 r&eacute;diyon:
- &lt;img1|left&gt;
- &lt;img1|center&gt;
- &lt;img1|right&gt;

Kopiy inn d-bann r&eacute;diyon-la ousa iv&eacute; dann karo "t&egrave;ks" (lo gran karo ousa i p&eacute; &eacute;kri kosa i v&eacute; publiy (lo nonb pr&eacute;zan dann r&eacute;diyon i indik aou lo nim&eacute;ri limaz : por&eacute;zon sa l&eacute; pa par&egrave;y pou sak fisy&eacute;). 

-* &laquo;left&raquo; pou m&egrave;t limaz dann kwin gos la liyn;
-* &laquo;right&raquo; pou m&egrave;t limaz dann kwin drwa la liyn, 
-* &laquo;center&raquo; pou m&egrave;t limaz dann mily&eacute; la liyn.

Pou lafisaz l&eacute;kran, SPIP i sava ranplas bann r&eacute;dyon sanm lo bon kod HTML &eacute; arkalkil otomatikman inn bonn tay zimaz.

- {Bann zimaz &egrave;k inn tir &eacute; inn d&eacute;krisyon}

Si ou la mi inn titr &eacute;/ou inn d&eacute;krisyon, lo sist&egrave;m i ranplas bann zindikasyon-la &lt;img...&gt; sanm :
- &lt;doc1|left&gt;
- &lt;doc1|center&gt;
- &lt;doc1|right&gt;

L&eacute; par&egrave;y pou anserv azot ; somansa kan ou i m&eacute; inn r&eacute;diyon lo tip-la, SPIP i azout dann t&egrave;ks limaz, lo titr &eacute;/ou la d&eacute;krisyon don&eacute;. Out limaz i sava apar&egrave;t komsa &egrave;k   inn &eacute;splikasyon, bann zinformasyon sir bann drwa lot&egrave;r, lo non lartis, &eacute; tousala.

</ins_img>

 <ins_doc>

{{{Pou zwinn bann dokuman miltim&eacute;dya}}}

Lo figirw&egrave;b do SPIP, li perm&eacute; azot m&egrave;t bann fisy&eacute; miltim&eacute;dya sir out sitw&egrave;b (son, vid&eacute;o, t&egrave;ks). 

Bann lot&egrave;r i p&eacute; zwind bann dokuman &egrave;k bann zartik. L&eacute; posib pr&eacute;zant bann dokuman-la :
-* kiswa anba lo t&egrave;ks (kom inn "z&eacute;l&eacute;man zwin pou inn lim&egrave;l");
-* kiswa dann kor lo t&egrave;ks sanm inn viny&egrave;t pou vwar avann. 
Bann komand&egrave;r lo sit i p&eacute; osi instal bann dokuman dir&egrave;kman dann bann rubrik.

Rogard byin n&eacute;na inn dif&eacute;rans importan sanm bann d&eacute; zitilizasyon-la. Bann dokuman sak l&eacute; zizt zwind &egrave;k inn zartik n&eacute;na pa lotonomi, &egrave; nou p&eacute; dir mwindreman, sak banna n&eacute;na pwinn sans d&eacute;or lartik-la (kank ou i sava bat-kar&eacute; sir lo sit, ou va s&eacute;lman trouv azot sanm lartik-la). 
Kank bann dokuman zwin l&eacute; instal&eacute; dir&egrave;kman dann bann rubrik, li l&eacute; pli s&egrave;lman in z&eacute;l&eacute;man an sirpli pou inn linformasyon pli konpl&eacute;. Zot i devyin inn z&eacute;l&eacute;man lo sit par&egrave;y minm sak bann zatik ou bann tit-nouv&egrave;l.


--------

&Eacute;tap 1: {{Pou instal bann dokuman sir lo serv&egrave;r }}

<img src="AIDE/ins_doc1.gif" alt=" " border="0" align="right">Pou instal bann dokuman sir lo serv&egrave;r, l&eacute; n&eacute;s&eacute;s&egrave;r anserv lo figirw&egrave;b &laquo;Zwind inn dokuman&raquo; pou bann zartik, &eacute; &laquo;Publiy inn dokuman dann rubrik-la&raquo; pou bann rubrik.

V&eacute;y byin figirw&egrave;b-la i apar&eacute; dann d&eacute; kwinn dif&eacute;ran pou bann zartik : anba lapaz lartik &eacute; dan lakolonn-gos (sak ou va trouv anba  d-zimaz) kank ou l&eacute; apr&eacute; sanz inn zartik. Bann d&eacute; figirw&egrave;b-la n&eacute;na &eacute;zakman minm fonksyon, somansa ou va itiliz a linn ou lot s&eacute;lon out bann bezwin.
Pou tout bann rubrik &egrave;k sourubrik, ou va instal bann dokuman dir&egrave;kman sir lapaz la(sou)rubrik kosern&eacute;.

Byin sir, ifo ou kr&eacute; out bann fisy&eacute; sir out prop lordinat&egrave;r avan instal azot sir lo serv&egrave;r. Lansanm bann forma ou p&eacute; ans&egrave;rv &egrave;k sist&egrave;m-la, l&eacute; indik&eacute; sir figirw&egrave;b pou lanvwa d-bann fisy&eacute;. {Anvizaz byin ou la donn inn non d-fisy&eacute; kor&egrave;k &egrave;k inn l&eacute;kstansyon kor&egrave;k (inn fin kor&egrave;k) kom pa &eacute;gsanp}&laquo;xxxxxx.mp3&raquo;{ pou inn fisy&eacute; dann forma MP3.}

Figirw&egrave;b l&eacute; par&egrave;y pou bann zimaz : lo bouton &laquo;Fisy&eacute;&raquo;, ou &laquo;File&raquo;, ou &laquo;Parcourir&raquo;, &laquo;Browse&raquo; (s&eacute;lon bann navigat&egrave;r) li ouv inn fin&egrave;t sak i perm&eacute; azot swazi lo fisy&eacute; kosern&eacute; sir out diks&eacute;dur. 
Apr&eacute;sa ou dwa sinpman klik sir lo bouton  sur &laquo;T&eacute;l&eacute;sarz&raquo; pou anvwa out fisy&eacute;. {Tansyon pangar : si out fisy&eacute; l&eacute; gro, lop&eacute;rasyon-la i p&eacute; prann in bon p&eacute;d tan. Rogard osi sak l&eacute;b&egrave;rz&egrave;r out sitw&egrave;b i p&eacute; arfiz tout ban fisy&eacute; tro gro pou bann r&eacute;glaz si lo serv&egrave;r ; dann ka-la, s&egrave;l solisyon l&eacute; <A HREF="aide_index.php3?aide=ins_upload" 
TARGET="_top">instal out bann fisy&eacute; sanm FTP</A>.}


---------

&Eacute;tap 2: {{Bann zinformayon &egrave;k laviny&egrave;t}}

<img src="AIDE/ins_doc2.gif" alt=" " border="0" align="right"> Inn bwat-zinformasyon i apr&eacute;, inn fwa ou la instal out fisy&eacute; sir lo serv&egrave;r. Sanm bwat-la ou p&eacute;  f&eacute; zw&eacute; plizy&egrave;r lop&eacute;rasyon. 

- {Viny&egrave;t pou vwar avan }

Inn {limaz-minyatir}, ou  {viny&egrave;t avwar-avan}, l&eacute; kr&eacute;&eacute; dan d&eacute;sertinn ka, pou perm&egrave;t aou vwar avann kosa i sra lo dokuman zwin &egrave;k inn lartik pa &eacute;gsanp. Por&eacute;zon sa, {viny&egrave;t pou vwar avan} l&eacute; tr&eacute; inportan. Okontr&egrave;r bann zimaz ou p&eacute; instal dann kor lo t&egrave;ks,  bann dokuman zwin li apar&eacute; pa dir&egrave;kman sir lo sit. L&eacute; laviny&egrave;t pou vwar avan sak i pr&eacute;zant pou vizit&egrave;r n&eacute;na inn dokuman zwin sir lo figirw&egrave;b. Pou konsilt&eacute; dokuman-la, bann vizit&egrave;r i dwa dabor klik viny&egrave;t-la.

Pou swazi viny&egrave;t-la, rand aou anl&egrave;r labwat zinformasyon.
L&eacute; posib l&egrave;s anplas {laviny&egrave;t sanswa}, s&eacute;dir limaz-minyatir sak SPIP i kr&eacute; otomatikman. M&eacute; ou p&eacute; osi instal {out prop logo}, {out prop viny&egrave;t} an liyn .

Viyn&egrave;t sanswa l&eacute; instal&eacute; otomatikman sanm lo sist&egrave;m, s&eacute;lon  forma out dokuman. L&eacute; bon l&egrave;s ali pou donn inn karakt&egrave;r ini, iniform, pou la pr&eacute;zantasyon tout bann dokuman lo m&egrave;m tip sir out sitw&egrave;b. 

Somansa, si ou pr&eacute;f&egrave;r, i p&eacute; instal inn ot logo (&egrave;k inn tit tay &eacute; dann forma GIF, JPG ou PNG). Sa l&eacute; kosa ni ap&egrave;l "out prop logo" o minm out" prop viny&egrave;t". Logo-la i sav apar&egrave;t dann plas la viny&egrave;t sanswa. Kank li l&eacute; instal&eacute; sir out sit SPIP, l&eacute; touzour posib anl&egrave;v ali. Inn gatir "d&eacute;gr&egrave;n viny&egrave;t-la", i sava perm&egrave;t aou ronir ary&egrave;r &egrave;k laviny&egrave;t sanswa.

- Dann pazw&egrave;b "Sanz lartik", n&eacute;na &laquo;innd&eacute; r&eacute;diyon&raquo; sak i rann aou kav m&egrave;t bann doukuman dann kor lartik. Bann r&eacute;diyon-la l&eacute; par&egrave;y pou bann zimaz.

- Anba labwat zinformasyon, ou p&eacute; donn osi inn non (titr) &eacute; tout bann zinformasyon i v&eacute; pou dk&eacute;ri in ti gout&eacute; dokuman zwinn. Ou la pa b&eacute;zwin pr&eacute;siz lo pwa ou lop forma pour out fisy&egrave; miltim&eacute;dya. Spip i sava m&egrave;t azot otomatikman.

- Derny&egrave;r soz, lo bouton &laquo;D&eacute;gr&egrave;n dokuman-la&raquo; l&eacute; itil pour &eacute;fas tout bann dokuman sak i anserv pa. {Rogard byin sa l&eacute; vr&eacute;man n&eacute;s&eacute;s&egrave;r akoz si ou l&egrave;s tout bann dokuman-la, zot i sava apar&egrave;t si lo sit piblik.}


- {{Dann ka ou la instal bann dokuman dann bann rubrik,}} ou p&eacute; byin sir sanz ladat lapiblikasyon lo dokuman (kom ou p&eacute; sanz par&egrave;y dat-la pou inn lartik ou pou inn tit-nouv&egrave;l). Apr&eacute;sa, tout bann dokuman pou bann rubrik l&eacute; publiy&eacute; an lyn. L&eacute; pa itil konfirm kiswa inn soz kom dann zartik ou tit-nouv&egrave;l. 

---------

&Eacute;tap 3: {{Pou instal bann dokuman dann kor lartik}}

Ou p&eacute; instal sinpman tout bann dokuman zwinn &egrave;k bann zartik kom nou la di sanm l&eacute;tap 1 &eacute; l&eacute;tap 2 (anon ou vwar anl&egrave;r). Bann dokuman-la i sava apar&egrave;t an lyin kank out lartik sra konfirm&eacute; &eacute; publiy&eacute; sir figirw&egrave;b. I sava pr&eacute;zant&eacute; sanm inn {fil bann dokuman zwin}.

Somansa ou p&eacute; d&eacute;sid instal osi ind&eacute; viny&egrave;t pou vwar avan dann kor lo t&egrave;ks. Ou loro kom sa ind&eacute; zimaz klikab dann lartik minm.

L&eacute; zakt&eacute;man par&egrave;y sak pou tout zot bann zimaz ; dif&eacute;rans l&eacute; zizt sak viny&egrave;t-la l&eacute; klikab.
Anserv lo r&eacute;diyon  &lt;imgxx|yy&gt; pou afis lanviny&egrave;t ; anserv lo r&eacute;diyon  &lt;docxx|yy&gt; pou afis lanviny&egrave;t &egrave;k son non e/ou son d&eacute;krisyon.

 
{V&eacute;y byin:} Bann dokuman ou lora instal kom sa, zot i sava pli apar&egrave;t anba lartik m&eacute; dann kor minm lo t&egrave;ks. Nana donk d&eacute; plas pou m&egrave;t azot :
-* dann kor lo t&egrave;ks, nana tout bann viny&egrave;t klikab ;
-* anba lo t&egrave;ks, n&eacute;na tout bann viny&egrave;t sak i indik innd&eacute; dokuman zwin .

----------

Inn ka pr&eacute;si : {{Bann dokuman &egrave;k son ou vid&eacute;o}}

N&eacute;na d&eacute;sertin forma d-bann fisy&eacute; sak la finn d&egrave;t kr&eacute;&eacute; pou afis azot dir&egrave;kman dann pazw&egrave;b (inn vid&eacute;o ki roul dir&egrave;kman sir lartik, pa &eacute;gsanp).

Pou install bann lanimsayon miltim&eacute;dya-la, tout dir&egrave;kman dann kor lartik (&eacute; pa s&egrave;lman kom inn viny&egrave;t klikab), ou dwa indik son bann dimansyon minm. Tansyon pangar, lalarz&egrave;r &eacute; laot&egrave;r i dwa d&eacute;pas fors&eacute;man z&eacute;ro (l&eacute; obligatwar). Pou bann fisy&eacute; audio, l&eacute; obliz&eacute; swazi lalarz&egrave;r ou va fin swazi pou bat-kar&eacute; &egrave;l la fl&egrave;s-d&eacute;filman, epi laot&egrave;r takini, pa &eacute;gsanp 25~bann~piks&egrave;l).

{V&egrave;y byin:} pou d&eacute;s&egrave;rtin forma s&egrave;lman (pa &eacute;gsanp : avi, quicktime, real, flash, &eacute; tousala) innd&eacute; karo i apar&eacute; pou perm&egrave;t aou indik bann dimansyon lo fisy&eacute;. Bann karo &egrave;k forma-la i korespon bann tip do dokuman sak SPIP i p&eacute; inklir dir&egrave;kman dann bann zartik.


Kank ou lora zizt fin indik bann dimansyon-la, inn r&eacute;diyon~SPIP an plis i sava apar&egrave;t dann form : &lt;embxx|yySi i kon&eacute; byin bann tip linklizyon-la, ou p&eacute; azout bann param&egrave;t an plis, &eacute;gsanp :

<cadre>
<emb54|center|autostart=true|quality=hight>
</cadre>


</ins_doc>


<ins_upload>

{{{Pou instal bann fisy&eacute; sanm FTP}}}

Nana d&eacute;sertin z&eacute;b&egrave;rz&egrave;r sak i interdi lanvwa bann fisy&eacute; sanm inn figirw&egrave;b. L&eacute; vr&eacute; l&eacute; kom inn kari margoz instal bann fisy&eacute; lour dann manyir-la. Por&eacute;zon sa SPIP i perm&eacute; instal dir&egrave;kman bann fisy&eacute; ou v&eacute; anserv kom bann zimaz ou dokuman sanm FTP. 

Pou sa ifo lo moun i n&eacute;na bann kod pou lakostaz FTP. Sa l&eacute; pa tout moun n&eacute;na, m&eacute; souvandfwa s&eacute;lman lo komand&egrave;r prinsipal.

- {{Lo dosy&eacute; /ecrire/upload}}

Instal out bann fisy&eacute; (bann zimaz, bann dokuman miltim&eacute;dya) sanm out lozisy&egrave;l FTP abity&egrave;l, dann lo  dosy&eacute; /ecrire/upload out sit SPIP.

- {{M&eacute;ni d&eacute;roul&egrave;r d-bann fisy&eacute;}}

Apr&eacute;sa n&eacute;na inn m&eacute;ni d&eacute;roul&egrave;r sak i apar&eacute; otomatikman. Li sava nir apr&eacute; lo figirw&egrave;b pou t&eacute;l&eacute;sarzman d-bann fisy&eacute; sir lo web. Li propoz aou lo fil bann fisy&eacute; n&eacute;na dann dosy&eacute;-la. Swazi lo fisy&eacute; ou v&eacute; &eacute;pi konfirm out swa.


Si lop&eacute;rasyon la finn mars&eacute;, pans d&eacute;gr&egrave;n fisy&eacute;-la dann dosy&eacute; /ecrire/upload, pou alonz pa tro lo m&eacute;ni d&eacute;roul&egrave;r (sist&egrave;m-la i sava kr&eacute; inn kopi dann ot kwin lo s&eacute;rv&egrave;r. Akoz sa fisy&eacute; lorizin l&eacute; pli itil).

- {{Tout bann fisi&eacute; ansanm inn fwa}}

Si ou v&eacute; instal plisy&egrave;r bann fisy&eacute; dann minm tan sir lo dosiy&eacute; /ecrire/upload, g&egrave;t byin lo figirw&egrave;b lo sit li p&eacute; propoz aou inn s&egrave;l lop&eacute;rasyon pou f&egrave;r tousa ansanm in fwa. Sa l&eacute; pratik pou kr&eacute; fasilman liv-zimaz.


</ins_upload>

<artmodif>

{{{Bann zartik l&eacute; apr&eacute; l&eacute;disyon}}}

Kank inn lot&egrave;r lo sit i azi sir inn zartik, tout bann zot dalon i va sir pazw&egrave;b-la l&eacute; pr&eacute;vni. Inn zanons anl&egrave;r lartik i kons&egrave;y azot pa tous a ryin, soman esp&egrave;r sakinn son tour. Akoz, byin sir, si n&eacute;na d&eacute; sak i sanz lartik dann minm tann : sanzman lo promy&eacute; i sava d&eacute;gr&egrave;n sanzman lo d&eacute;zi&egrave;m o par&egrave;y lot. 

Si ou p&eacute; vwar zanons-la &laquo;Tansyon pangar ! int&egrave;l lot&egrave;r la finn travay&eacute; sir lartik-la &raquo;, ni kons&egrave;y aou tous pa a ryin sir lartik-la. Esp&egrave;r inn p&eacute; &eacute; rotourn apr&eacute;. Plitar, kank bann sanzman lot&egrave;r i sava finn d&egrave;t anrozistr&eacute;, ou sra pour ronir &egrave;k sanz kosa ou v&eacute; sir lartik-la.

L&eacute; par&egrave;y pour ou : kank ou i sanz inn lartik, out bann dalon l&eacute; pr&eacute;vni kom sa-minm. {{Pandan tann-la ou l&eacute; apr&eacute; sanz out zartik , &eacute; minm inn &egrave;r apr&eacute;sa}}, l&eacute; domand&eacute; bann zot lot&egrave;r i tous pas ryin sir lartik-la. Kank ou lora fini &eacute; kank ou la d&eacute;sid l&egrave;s azot nir dann paz sanzman lartik-la, ou p&eacute; "marron" lartik-la. Lavizman pou bann zot lot&egrave;r i sava dispar&egrave;t, &eacute; tout moun-la i sra kav f&egrave;r zot sanzman sir lartik-la.

</artmodif>


<artmots>

{{{Bann molakl&eacute;}}}

Pou rann pli ris lamanyir bat-kar&eacute; sir lo sit, l&eacute; posib asosi bann <A HREF="aide_index.php3?aide=mots" 
TARGET="_top">molakl&eacute;</A> &egrave;k bann zartik, bann tit-nouv&egrave;l ou bann sitw&egrave;b r&eacute;f&eacute;rans&eacute;. Komsa lo vizit&egrave;r lo sit i sra kav bat-kar&eacute; sanm inn rubrik si lot, oubyinsa sanm inn lartik sir lot sak i koz lo minn t&egrave;m (por&eacute;zon t&egrave;m-la l&eacute; kadr&eacute; &egrave;k inn molakl&eacute;).
Pou sak lartik, tit-nouv&egrave;l o sitw&egrave;b-minm, l&eacute; posib kadr&eacute; tout nonb bann molakl&eacute; sak ou v&eacute;.

Inn m&eacute;ni d&eacute;roul&egrave;r i rap&egrave;l aou tout bann molakl&eacute; n&eacute;na dann sit. L&eacute; tr&egrave; sinp pou anserv ali, somansa pangar, {kank n&eacute;na plis &eacute; 50 bann molakl&eacute;, d&eacute;roul&egrave;r-la l&eacute; sanz&eacute; sanm inn rod&egrave;r. Dann ka-la, indik lo mo ou v&eacute; trouv dann sit &eacute; klik si &laquo;Rod&raquo;.}

{{V&eacute;y byin.}} Bann komand&egrave;r s&egrave;lman i p&eacute; kr&eacute; bann molakl&eacute; sir lapazw&egrave;b pou z&egrave;r azot (bouton &laquo;Bann molakl&eacute;&raquo; dann figirw&egrave;b pou bat-karaz).

{Bann komand&egrave;r i p&eacute; d&eacute;gr&egrave;nn litilizasyon do tout bann molakl&eacute; pou lo sit anty&eacute;, sanm lo figirw&egrave;b &laquo;<A 
HREF="aide_index.php3?aide=confart" TARGET="_top">Lakonfigirasyon 
pr&eacute;siz</A>&raquo;.}

</artmots>

<artprop>


<!--SPIP-->


 

 {{{Pou propoz inn lartik}}}


Kank out lartik l&eacute; est &laquo;apr&eacute; l&eacute;kritir; 
(anon vwar dann rubrik &laquo;<A HREF="aide_index.php3?aide=artstatut" 
target="_top">Lo statu lartik</A>&raquo;), n&eacute;na inn
bouton &laquo;Domann lapiblikasyon lartik-la&raquo;, sak i swiv ali.

{Lot&egrave;r s&egrave;lman l&eacute; kav domann lapiblikasyon-la.}

Apr&eacute;sa lartik l&eacute; &laquo;Propoz&eacute; pou zot zizman&raquo;, s&eacute;ondir l&eacute; pr&eacute;zant&eacute; pou tout bann zot lot&egrave;r, pou zot i di son manyirdvwar, donn s lavi. apr&eacute;sa, bann komad&egrave;r i sra kav konfirm (publiy) lartik-la.

Tansyon pangar : kank out lartik  l&eacute; propoz&eacute; pou lo zizman, lot&egrave;r s&egrave;l l&eacute; pli kav ronir ary&egrave;r. Pou artourn si lo statu "apr&eacute; l&eacute;kritir", sra n&eacute;s&eacute;s&egrave;r domman inn komand&egrave;r. Lop&eacute;rasyon-la &laquo;Domann lapiblikasyon lartik-la&raquo; l&eacute; kom "mariaz l&eacute; pa rougay tomat" !!! 
L&eacute; inportan lot&egrave;r l&eacute; sir, li konsid&egrave;r son lartik l&eacute; byin konpl&eacute;, l&eacute; byin fin fini pou domann inn t&egrave;l soz.

</artprop>


<artrub>

{{{Swazi la rubrik}}}

Lo m&eacute;ni, li pr&eacute;siz aou <A HREF="aide_index.php3?aide=rubhier" 
target="_top">lay&eacute;rarsi d-bann rubrik </A> (koman bann komand&egrave;r la kr&eacute; ali): swazi ousa ou v&eacute; m&egrave;t out lartik.

Dann komansman zot i itiliz SPIP, n&eacute;na inn bon p&eacute; d-zitilizat&egrave;r sak i pran pwin gard pou anserv fonksyon sinp-la. Zot i l&egrave;s zot bann zartik &laquo;ninport ousa-la&raquo; dann striktir lo sitw&egrave;b. 
Por&eacute;zon sa, ni kons&egrave;y azot, tout bann komand&egrave;r, sak i v&eacute;y byin lo t&egrave;ks l&eacute; mi dann bonn rubrik, avann d-konfirm innd&eacute; zartik.


</artrub>

<artstatut>


{{{Lo statu lartik}}}

Lo {statu} lartik  l&eacute; la sitiyasyon lartik dann kont&egrave;ks l&eacute;ditoryal lo sitw&egrave;b. Lartik i p&eacute; &egrave;t :
- apr&eacute; l&eacute;ktritir;
- propoz&eacute; pou zot zizman;
- pibliy&eacute; an liyn;
- dann korb&eacute;y;
- arfiz&eacute;;.

Bann z&eacute;tap-la, bann komand&egrave;r s&eacute;lman i p&eacute; sanz azot. L&eacute; inportan pou laz&eacute;styon lo sit. Zot i perm&eacute; z&egrave;r/aranz bann zartik sir figirw&egrave;b-d&eacute;dan &eacute; figirw&egrave;b-d&eacute;or (lo sit priv&eacute; &egrave;k lo sit piblik)

{{V&eacute;y byin.}} Lo statu d-bann zartik l&eacute; kadr&eacute; &egrave;k inn pis kolor&eacute;.

<IMG SRC="img_pack/puce-blanche.gif">  {{Lartik l&eacute; apr&eacute; l&eacute;kritir}}

Kank ou kr&eacute; inn nouvo lartik, li l&eacute; mi otomatikman dann statu {Lartik l&eacute; apr&eacute; l&eacute;kritir} : s&eacute;dir sak son bann lot&egrave;r l&eacute; apr&eacute; &eacute;kri ou sanz ali...

{Inn Lartik sak l&eacute; apr&eacute; l&eacute;kritir l&eacute; pa visib dann sit piblik. Bann lot&egrave;r lartik &egrave;k bann komand&egrave;r lo sit s&eacute;lman, i p&eacute; lir ali. Bann zot lot&egrave;r &egrave;k bann sinp vizit&egrave;r n&eacute;na pwinn laks&eacute; sir lo figirw&egrave;b priv&eacute; d-bann lot&egrave;r lartik  : zot i p&eacute; pa vwar ali}.



<IMG SRC="img_pack/puce-orange.gif">  {{Lartik l&eacute; propoz&eacute; pou zot zizman}}

Kank inn lot&egrave;r i ziz son lartik l&eacute; fini, li p&eacute;
&laquo;propoz&raquo; ali pou bann zot dalon i m&egrave;t ansanm inn bon koz&eacute; sir lartik-la. Kom sa l&eacute; posib m&egrave;t annsanm bann zid&eacute;, &eacute; minm nadfwa, rand m&eacute;y&egrave;r lo t&egrave;ks propoz&eacute;, avank li l&eacute; konfirm&eacute; ou arfiz&eacute;.

{Kank lartik-la l&eacute; &laquo;propoz&eacute; pou zot zizman&raquo;, inn lavi (lo tir &egrave;k lo gatir lartik-la) i apar&eacute; sir lapaz
&laquo;Pou swiv&raquo; do tout bann zitilizat&egrave;r l&eacute;spas priv&eacute;. Banna l&eacute; invit donn zot lavi sir lo t&egrave;ks dann lo forom-p&eacute;i anba lartik.}

Tout bann lot&egrave;r lo sitw&egrave;b i p&eacute; vwar alor lartik. M&eacute; lot&egrave;r-minm lartik, &egrave;k komand&egrave;r s&egrave;lman, i p&eacute; sanz ali.


<IMG SRC="img_pack/puce-verte.gif"> {{Lartik l&eacute; pibliy&eacute; an liyn}}

Apr&eacute; p&eacute;t&egrave;t inn bon koz&eacute; sann ban lot&egrave;r sir lo t&egrave;ks propoz&eacute;, lartik i p&eacute; &egrave;t konfirm&eacute; sann innd&eacute; komand&egrave;r lo sit,  s&eacute;dir pibliy&eacute; an liyn. Apr&eacute;sa tout bann vizit&egrave;r lo sit i p&eacute; lir ali sinpman.

{Kank inn lartik l&eacute; pibliy&eacute; an liyn, bann komand&egrave;r s&eacute;lman i p&eacute; sanz ali. Son lot&egrave;r minm i dwa domann inn komand&egrave;r i &egrave;d ali pou aport bann kor&eacute;ksyon.}


<IMG SRC="img_pack/puce-rouge.gif">  {{Lartik l&eacute; arfiz&eacute;}}

Inn lartik &laquo;propoz&eacute;&raquo; sak i akord pa &egrave;k la liyn l&eacute;ditoryal lo sitw&egrave;b, li p&eacute; &egrave;t &laquo;arfiz&eacute;&raquo; kank bann komand&egrave;r la d&eacute;sid afront publiy ali an liyn.

{Inn lartik &laquo;arfiz&eacute;&raquo; l&eacute; s&egrave;lman vizib pou son lot&egrave;r &egrave;k bann komand&egrave;r lo sit.}

{Li p&eacute; pli &egrave;t koriz&eacute; sanm son lot&egrave;r, sak i p&eacute; pli non pli propoz ali in d&eacute;zy&egrave;m fwa. Por&eacute;zon sa, kank nana bezwinn artous inn lartik, l&eacute; m&eacute;y&egrave;r pas ali dann statu " apr&egrave; l&eacute;kritir". Kom sa son lot&egrave;r i p&eacute; sanz ali touzour, &eacute; propoz ankor ali sir lo sitw&egrave;b.}


<IMG SRC="img_pack/puce-poubelle.gif">  {{Lartik l&eacute; dann korb&egrave;y}}

Inn komand&egrave;r s&eacute;lman i p&eacute; bat-at&egrave;r inn lartik dann korb&egrave;y.

{Inn lartik &laquo;dann korb&egrave;y&raquo; l&eacute; pli vizib pou p&egrave;rsonn dannl&eacute;spas priv&eacute;, pa minm pou bann komand&egrave;r lo sitw&egrave;b.  
Por&eacute;zon sa  : tansyon pangarn ! Lopsyon-la l&eacute; kom tangaz : lartik dann korb&egrave;y i sava dispar&egrave;t ! &eacute; minm si l&eacute; touzour pr&eacute;zan dann bazdodn&eacute;, li va nir difisil pou atrap &egrave;k bann zoutiy SPIP.}

Ni kons&egrave;y aou r&eacute;z&egrave;rv lopsyon-la pou bann zartik ou la kr&eacute; dann trompaz o pou banna ou v&eacute; d&eacute;gr&egrave;nn tout anty&eacute;. L&eacute; my&eacute; ans&egrave;rv lo statu "arfiz&eacute;" pou anp&egrave;s r&eacute;gr&eacute;t&eacute; lartik-la, akoz derny&eacute; statu-la li perm&eacute; bat-ary&egrave;r. 


-Rogard byin sak bann komand&egrave;r i p&eacute; sanz lo {statu} inn lartik ninport kank i v&eacute;. Akoz sa-la, l&eacute; posib inn lartik an liyn i artourn "apr&eacute; l&eacute;kritir". Ni kons&egrave;y aou abuz pa zw&eacute; &egrave;k statu-la. Por&eacute;zon sak, si out ban pazw&egrave;b i sava apar&egrave;t &eacute;pi dispar&egrave;t, &eacute;pi apar&egrave;t ankor pou dispar&egrave;t inn ot dfwa kom sa-minm, l&eacute; pa kor&egrave;k pou out bann vizit&egrave;r. Banna i p&eacute; minm pans&eacute; l&eacute; kom manz inn margoz maf ! Ou sa va perd out vizit&egrave;r !! Alor, tansyon, g&egrave;t byin kosa ou f&eacute; !

</artstatut>
