De ligams que dobrisson una fenèstra nòva

Un fum d’internautas e de webmèstres (subretot los novelaris) se pensan que cal que d’unes ligams dobriscan, per fòrça, una fenèstra nòva del navigador. La còla d’SPIP - coma plan d’autres - pensam qu’aquò es marrit.

Pr’aquò, per ensajar de rendre la vida mai aisida als que vodrián a tot perdre aquela foncion, existís un filtre |liens_ouvrants que fa «sautar» totes los ligams extèrnes sasits dins lo tèxt via l’acorcha [títol->http://www.uzine.net/spip].

Long del desvolopament d’SPIP, a l’entorn de setembre de 2002, assagèrem l’idèia d’una acorcha de ligam suplémentària, idèia que tot plan pensat acabèrem per abandonar : i tornarem pas ;-)

Bilanç de l’afar : quora es absoludament necite, cal intrar lo ligam manualament, sens passer per l’acorcha spip, valent a dire en picar <a href="http://adreiça-del-ligam.endacòm" target="_blank">nom del ligam</a>.

Los autres metòdes son de fòrabandir, ne vaquí las rasons :

1) Un hack de las acorchas spip, que semblariá [tèxt->URL" target=..."] es sovent mençonat sus las tièras de discussion spip coma una « solucion». Pasmens es la solucion pièger*. De fach, en cas qu’un jorn s’integrèsse a spip una foncion concernent las acorchas de ligams (exemple a l’azard, inserir los ligams dins una taula e los verificar cada jorn), lo mond qu’auràn emplegat aquel hack riscan de patir de disfoncionaments.

2) L’acorcha [tèxt->>ligam], que probèrem entre lo 21/09 e lo 13/12 de 2002, dins las versions de desvolopament, fasiá pas la bala. Menava tròp de problèmas de contraròtle pels webmèstres que ne vòlon pas.

Tornam dire que la solucion corrècta es d’emplegar pas de ligams dobrissent una fenèstra nòva; l’autre biais, mens bon, es de los emplegar a cada còp, pels ligams extèrnes en far servir lo filtre |liens_ouvrants.

Autor : Mòni Publié le : Mis à jour : 26/10/12

Traductions : català, corsu, English, Español, français, italiano, Nederlands, òc lengadocian, Português do Brasil, slovenčina