Sommaire
Divendres 1r d’abril de 2005: [SPIP 1.8] se pòt telecargar a l’adreiça www.spip.net/spip-dev/DISTRIB/.
Aquela version nòva d’SPIP constituís l’abotiment d’un an e mai d’òbras (d’efièch, la version 1.7 data de genièr de 2004)... se pòt pas faire quitament la lista exaustiva de totas sas novetats aicí.
S’es fornit los esfòrces mai bèls, malgrat de transformacions importantas (vesedoiras o non) de totes los compausants del programa, per que l’actualizacion d’un sit sota quina version anciana d’SPIP que siá se debane sens (tròp de) dificultats.
En cas de problèma d’actualizacion, pr’aquò, esitetz pas de demandar ajuda dins la lista spip@rezo.net, o de consultar lo sit novèl de forums de la comunitat SPIP, a l’adreiça http://forum.spip.org/.
L’espaci privat
La transformacion mai espectaclosa es segurament la de l’espaci privat. Aquel a beneficiat d’una refonda grafica e ergonomica completa, que permet de publicar mai lèu e de navigar mai aisat.
Un article de la documentacion detalha las evolucions ergonomicas introduchas dins aquesta version d’SPIP.
Aisinas d’ajuda a la publicacion
Mai d’una aisina d’ajuda a la publication son aparegudas:
Lo corregidor ortografic
Un còp que s’es escrich un article, se’n pòt corregir las errors d’ortografia gaug a un servidor extèrne de correccion. Aquel servici es pas encara disponible en occitan mas existís dins d’autras lengas. A prepaus d’aquò, notaretz aiçò d’aicí. Lo corregidor d’ortografia, en essent pas installat “en local”, los mots de verificar se mandan (dins lo desòrdre) a de “servidors d’ortografia” que l’SPIP Lab’ a desvolopats e que divèrses sòcis de la comunitat dels usancièrs d’SPIP los an porgits a la vòstra disposicion. Per fin d’evitar de dobrir una bèrca de “confidencialitat”, se demanda als webmèstres qu’o desiran d’activar exprèssament aquela foncion dins lor sit.
La previsualizacion
Un còp que s’es prepausat un article per la publicacion, cadun (administrator o redactor, segon lo reglatge del sit) lo pòt previsualizar amb l’esqueleta del sit. Se pòt verificar que l’article s’afiche plan a la fin sens que lo calga “publicar” puèi “despublicar”.
L’istoric de las modificacions
Per facilitar lo seguiment editorial e l’escritura en collaboracion, [SPIP 1.8] introdutz l’istoric de las modificacions (tanben SPIP-Lab lo desvolopa). Aital se pòt obténer una lista dels darrièrs articles editats e veire las modificacions qu’an fachas entre las versions diferentas d’un article.
Lo pòrtfòlio
[SPIP 1.8] introdutz una compaginacion novèla pels documents associats a un article. Totes los documents associats a un article —que ja se tròben pas dins lo tèxt— s’afichan dins un pòrtfòlio sota l’article.
Dempuèi aquel pòrtfòlio, se pòt editar aisit lo títol e la descripcion d’un document. Tanben se pòt faire virar los imatges de 90 o 180 grases, a condicion que las bonas librariás graficas sián installadas e configuradas sul servidor.
Aquel pòrtfòlio se completa per la possibilitat d’associar mai d’un document a un article, en un còp:
- siá se pòt botar totes los documents d’associar a un article dins un sosrepertòri de
ecrire/upload/; - siá se pòt associar un archiu zip a l’article. Alavetz òm poirà causir de lo descomprimir e d’associar los documents que conten a l’article.
Un article de la documentacion precisa l’utilizacion de las aisinas de tractament d’imatge.
Espaci public
Emplaçament dels fichièrs esqueleta
Las esqueletas per defaut (nommadas a passat temps “article-dist.html”) liuradas amb [SPIP 1.8] son pas pus a la raiç del sit mas dins un sosrepertòri dist/. Aquò se fa en acòrdi amb una començança de reorganizacion dels fichièrs d’SPIP, que permet de plaçar las esqueletas personalizadas dins lo repertòri squelettes/, e pas pus solament a la raiç del sit (s’accèpta encara lo reglatge eventual de la variabla $dossier_squelettes).
Compilador d’esqueletas novèl
Vaicí una innovation mens espectaclosa. Mas es tant importanta, probable, coma tot çò que precedís. [SPIP 1.8] introdutz un “compilador d’esqueletas”. Presentat inicialament sul sit SPIP Contrib’, aquel compilador a permés, après de meses d’òbras acarnassidas, d’obténer una rescritura completa del sistèma que permet a SPIP d’interpretar lo lengatge de las blocas, balisas, filtres e critèris.
Los avantatges dirèctes d’aquela rescritura son pas forçadament evidents sus lo còp. Çò important (en mai que se venç certanas constrenchas de programacion que començavan de pesar, e que se melhora lo còde en general) es que permet d’introduire pro aisit de
<BOUCLES()>nòvas, de{critèris}nòus e de#BALISASnòvas, simplament en apondre de foncions dins lo fichièr mes_fonctions.php3. Com ja se fa pels|filtresde las versions precedentas d’SPIP.Un bon exemple es la contribucion Portrait ou Paysage? (Retrach o païsatge?) publicada dins SPIP Contrib’, que porgís tres critèris nòus de triatge dels imatges:
{portrait}(retrach),{paysage}(païsatge) e{carre}(cairat).Aquel modèl nòu deuriá dobrir lo desvolopament d’SPIP a un frenèsi de contribucions, que ja grelha. S’apondètz de vòstre costat de foncions nòvas a SPIP, esitez pas de ne far profechar tota la comunitat!
A aquela escasença, notem que desenant se pòt:
- integrar una bloca dins lo còde opcional abans una autra bloca (entre <B_articles> e <BOUCLE_articles(ARTICLES){critèris...}>).
- Las balisas pòdon emboitar las unas dins las autras, per exemple:
[ [(#SURTITRE)] (#LÒGO_ARTICLE)]
- Parièr, se pòt botar de <INCLURE()> dins las
parts opcionalas d’una balisa:[<INCLURE(debut.php3)>(#SURTITRE) ]
- Se pòt accedir sens programacion suplementària, dins las esqueletas, a quin camp que siá d’una taula a travèrs de la balisa #NOM_DU_CHAMP
- la sintaxi #_nom:TEXTE permet d’accedir a la balisa #TEXTE de la bloca englobanta nommada _nom. Aital se pòt accedir a de balisas de blocas englobantas que lor nom seriá ambigú dins lo contèxt de la bloca actuala (tipicament, #TITRE e #_rubrica:TITRE).
- Se pòt utilizar una balisa dins l’avaloracion d’un critèri:
{titre = #TITRE}
- En definir de blocas novèlas, se pòt accedir a de taulas situadas dins d’autras basas de donadas.
Un desbugador acompanha aquel compilador:
- d’un latz, lo webmèstre vei s’afichar de messatges d’error en cas de problèma de construccion de sas esqueletas;
- d’autre latz, en remplaçant dins l’URL de recalcul de la pagina lo còde var_mode=recalcul per var_mode=debug, lo webmèstre accedís a un mòde de visualizacion qu’expausa precisament lo còde PHP e MySQL produch pel compilador a partir de las esqueletas. Solid, aquò’s una aisina malaisida a primièra vista, mas es precisa per las e los que desiran d’encapar en detalh lo foncionament d’una balisa —et especialament quand se tracta de ne bastir de nòvas.
Reviradas
[SPIP 1.8] benefícia tranben del trabalh important de sa comunitat tostemps creissenta de reviraires. Desenant es disponible dins las 33 lengas seguentas, sovent amb una documentacion completa (se senhala en gras las que venon d’arribar) :
Sempre i a las 7 varietats d’occitan : òc auvernhat, òc gascon, òc lemosin, òc lengadocian, òc niçard (en dos perfums: “òc niçard larg” que seguís la nòrma oficiala mentre que “òc niçard” representa una sensibilitat mai individuala), òc provençau, òc vivaroaupenc !
E atanben:
| còde | lenga | revirada |
|---|---|---|
| ar | العربية | arabi |
| bg | български | bulgar |
| ca | català | catalan |
| cpf | Kréol réyoné | creòl reünionés |
| cpf_hat | Kreyòl ayisyen | creòl haitian |
| da | dansk | danés |
| de | Deutsch | alemand |
| en | English | anglés |
| eo | Esperanto | esperanto |
| es | Español | espanhòl |
| fa | فارسى | persan |
| fon | fongbè | fongbè |
| fr | français | francés |
| gl | galego | galèc |
| hu | magyar | ongrés |
| it | italiano | italian |
| ja | 日本語 | japonés |
| lb | Lëtzebuergesch | luxemborgés |
| nl | Nederlands | neerlandés |
| pl | polski | polonés |
| pt | Português | portugués |
| pt_br | Português do Brasil | portugués brasilièr |
| tr | Türkçe | turc [SPIP 1.8.1] |
| ro | română | romanés |
| vi | Tiếng Việt | vietnamian |
| zh | 中文 | chinés |
Los reviraires e aprendisses reviraires son benvenguts, per totas las lengas de la Tèrra. I a de plaça per totòm. Fasètz virar l’information e esitetz pas d’“engatjar” vòstres amics! La pagina de referéncia de las reviradas es totjorn www.spip.net/rubrique4.html; amb contacte per e-mail dins la lista spip-trad@rezo.net
Autras novetats
D’acorchas nòvas
Qualques acorchas nòvas an crebat l’uòu:
- Ara se pòt inserir de còde LaTEX dins un article gràcias a la balisa <math>. Aquel còde, un servidor extèrne lo tractarà per lo transformar en un imatge que s’integrarà al tèxt.
Per exemple, lo tèxt seguent:
<math>la valor de $x$ es $\sqrt{\frac{y^{2}}{z^{2}}}$</math>s’aficharà jos la forma:
la valor de
es
- l’acorcha -- serà remplaçada per un tiret semiquadratin —.
Balisas, critèris e filtres nòus
Qualques filtres, critèris e balisas nòvas son entierats dins la documentacion, acompanhats de la mençon [SPIP 1.8].
Senhalem par exemple, per los afeccionats de la presentacion en mena de “blòg”, lo filtre |unenc que garentís qu’un element recurrent (una data per exemple) s’afiche sonque un còp; o encara lo critèri {id_article IN 1,2,3} qu’aficha los articles 1,2 puèi 3 dins aquel òrdre.
Compatibilitat
PHP 4.0.8, PHP 5. Desenant la version minimala suportada es la 4.0.8 amb la librariá preg d’installda. [SPIP 1.8] es compatible amb PHP 5. La compatibilitat amb PHP 3, pasmens, es abandonada.
Nòta: Per de rasons “istoricas,” los fichièrs de la distribucion oficiala contunhan de se nommar xxx.php3; aquel esquèma de nominacion despareisserà dins la version venenta d’SPIP, al profièch dels xxx.php. Ça que la una version php de [SPIP 1.8] es disponibla al telecargament.
MySQL 3, 4.1.x S’es pas remarcat cap de problèma de compatibilitat amb MySQL fins a las versions 4.1.x. Pasmens s’encontratz un problèma amb MySQL 4.1, seretz gent(a) de lo senhalar dins la lista de desvolopament, spip-dev@rezo.net
Librariás graficas. [SPIP 1.8] supòrta la generacion de vinhetas amb NetPBM qu’es de bon installar per ftp (vejatz http://gallery.menalto.com/modules.... en cò dels albergadors ont es pas encara present), mas tanben GD1, GD2 e Imagick (en modul php o en linha de comanda sota lo nom «convert»).
«W3C.» Lo motor d’acorchas fa tot çò que pòt per èsser confòrme a las recomandacions del W3C en mestior de codatge de l’HTML. Totun aquò es pas perfièch dins totas las situacions, especialament quand los usancièrs intran de tèxtes contenent de balisas complèxas o de còde HTML.
Nòta: Per perfeccionar los resultats [SPIP 1.8.1] introdusís lo mòde “tidy” que permet d’assegurar que cada pagina del sit es « valida XHTML1.0 » ; aquel mòde es ja a foncionar sus www.spip.net, e mai siá pas encara estabilizat d’afons. Per mai d’entresenhas vejatz Tidy : Correction XHTML 1.0.
E oblidem pas:
- S’es integrat un modul novèl de gestion d’URL: se tracta del mòde «urls netas», que permet de passar d’una adreiça coma
http://lomieusit/article.php3?id_article=17a qualque res que semblahttp://lomieusit/titol_de_l_article;
- Los forums son indexats dins lo cercador. Aquela indexacion es pas individuala, mas per fil de discussion (totas las responsas partent del “pè” d’un fil); la variabla
id_threade las balisas#ID_THREADe#URL_FORUMapareisson.
- Se tracta la bloca
(HIERARCHIE)mai soplament: doncas se pòt faire{inverse}, {par hasard}, {n-2,1}, {par titre}, etc.
- lo sistèma d’escondedor gerís una qüòta d’espaci disc ocupada dins lo servidor (reglada per defaut a 5 Mo);
- l’insercion de documents ara se gerís amb de
<div>e de fuèlhs d’estil;
- l’acorcha
{{ }}se transforma ara en<strong>;
- la sindicacion accèpta los fluxes als formats Atom 0.3, RSS 0.91, RSS 1.0 e RSS 2.0; las correccions fachas d’amont dins lo sit sindicat son represas per SPIP quand intègra los fluxes, e desenant los camps
<modified>e<lastBuildDate>modifican la data dels articles sindicats; per sa part, la sindicacion de fluxes “javascript” es abandonada (mas saique l’aguèsson aguda utilizada?);
- los fichièrs de localizacion se pòdon plaçar dins lo meteis repertòri que las esqueletas;
- lo fichièr ecrire/lang/perso.php3 despareis, se remplaça pels fichièrs local_xx.php3 qu’òm pòt plaçar dins lo repertòri de las esqueletas. xx especifica un còde de lenga, alavetz aquel fichièr aurà prioritat sus los autres moduls de localizacion de la meteissa lenga. Lo fichièr local.php3, s’existís, es inclús en darrièra plaça e permet totes los bricolejatges que se pòsca imaginar.
- se pòt sègre l’activitat d’SPIP dins sos fichièrs jornal:
ecrire/data/spip.logeecrire/data/mysql.log
- Se liura pas mai l’ajuda en linha en estandard, essent que fonciona en client/servidor, amb telecargament automatic dempuèi lo sit spip.net.
- Enfin, e es pas çò mendre, s’es revist entièrament l’Agenda de l’espaci privat.
* * *
[SPIP 1.8.1]
Introducha lo 15 d’abril de 2005, [SPIP 1.8.1] adoba los qualques laguis d’installacion qu’apareguèron aprèp la sortida de la version 1.8.
En mai d’aquò mena :
- lo mòde «tidy» (veire çai-subre);
- un fichièr htaccess.txt nòu per gerir las URLs personalizadas (vejatz Utiliser des URLs personnalisées);
- una revision de l’ajuda en linha;
- una actualizacion del modul LDAP
Darrièr ponch de notar, la balisa #PARAMETRES_FORUM es estada modificada. Es pas pus necite de passar l’adreiça de retorn dins los paramètres del forum, que d’un biais predefinit, SPIP tòrna ara dirigir lo vesitaire que ven de mandar un messatge cap a l’adreiça #URL_FORUM d’aquel messatge. Se lo resultat vos conven pas, podètz tornar al’ancian foncionar en passar l’adreiça de retorn coma argument de la balisa sota la forma [(#PARAMETRES_FORUM{#SELF})]
Aquel novèl argument «pagina de retorn» que se pòt desenant passar a la balise permet de faire de redireccions cap a una pagina de vòstra causida, per exemple[(#PARAMETRES_FORUM{messatge_recebut.php?id_article=#ID_ARTICLE})]
se desiratz afichar un tèxt particular aprèp lo mandadís del messatge.
(Aquò pòt rendre servici per de forums moderats a a priòri.)
Amusatz-vos plan!
Telecargament
Coma de costuma lo telecargament d’SPIP se fa dempuèi www.spip.net/spip-dev/DISTRIB/. L’actualizacion se fa de la manièra classica, vejatz Actualizar la version d’SPIP. Los sits installats amb l’ajuda de spip_loader se pòdon actualizar automaticament.