Avètz dich ...dist ?

Que son los fichèrs «dist»?

Que son los fichièrs sommaire-dist, rubrique-dist o encora article-dist ? son en fach los fichièrs de la distribucion d’SPIP...

Coma o sabètz segurament ja (o alara, vos cal legir lo tutorial o lo manual de referéncia), lo sistèma d’esqueletas es un jòc de fichièrs .html contenent la presentacion grafica del sit. Per exemple, «article.html» presenta los articles, «rubrique.html» presenta las rubricas...

Ça que la, avèm notat mantun còp que los usancièrs que manipulavan lor sit public en modificar aqueles fichièrs .html qu’SPIP porgissiá encontravan de problèmas quora actualizavan lo logicial, s’avián pas fach pres la precaucion de salvar los fichièrs modificats.

De fach, en installar totes los fichièrs d’una version nòva d’SPIP, espotissián tot simplament lor fichièrs modificats (sens aver pensat de far una còpia de salvagarda de lors modificacions).

Dempuèi la version 1.8, los fichièrs .html son mièlhs recaptats. Un repertòri dist càpia los fichièrs porgits amb la distribucion d’SPIP. Aqueles fichièrs contenon las informacions subre la mesa en pagina predefinida del sit , los cal pas modificar.

Un usancièr que decidís de crear una mesa en pagina personala plaçarà sos fichièrs pròpris article.html, rubrique.html, etc. al raiç del sit , o encara melhor, dins lo repertòri squelettes dedicat. A l’actualizacion seguenta d’SPIP, sols los fichèrs del repertòri dist s’espotiràn e lo webmèstre perdrà pas sas personalizacions.

De notar : los fichièrs .php3, corresondents dels fichièrs .html dins una esqueleta SPIP, los cal sempre daissar al raiç del sit.

Istoric : Dempuèi SPIP 1.3, e fins a la version SPIP 1.7.2 los fichièrs d’esqueletas porgits dins la distribucion d’SPIP se disián «article-dist.html», «rubrique-dist.html», etc... Per personalizar aqueles fichièrs bastava de los tornar nommar «article.html», «rubrique.html», etc. (sens lo -dist).

Per anar mai luènh

Vaquí l’òrdre (per prioritat decreissenta) d’utilizacion de las esqueletas segon lor nom:

Remarca : Dempuèi [SPIP 1.8], SPIP cèrca aqueles fichièrs d’en primièr al raiç del sit, puèi s’existisson pas, dins lo repertòri squelettes. En darrièr recors, SPIP pren los fichièrs predefinits al repertòri dist.

-  rubrique=10.html: s’aquel fichièr existís, s’aplica sonque a la rubrica numèro 10 ;

-  s’aquel fichièr existís pas, SPIP cerca se i auriá pas un fichièr rubrique-10.html, s’aqueste existís, la rubrica 10 e mai sass sosrubricas l’utilizan, es donc «recursiu» ;

De notar : per qu’aqueles fichièrs sián preses en compte cal que lo fichièr de basa (rubrique.html) s’encontre dins lo meteis repertòri

-  s’aquel fichièr existís pas, SPIP cerca se i a un fichièr rubrique.html, qu’emplegarà per totas las rubricas del sit que son pas concernidas pels fichièrs notat mai naut;

-  Istoric : Fins a SPIP 1.7.2 s’aquel fichièr existís pas, SPIP emplega lo fichièr rubrique-dist.html qu’es lo fichièr porgit per defaut. Se volètz modificar aqueste fichièr, cambiatz son nom en rubrique.html, per espotir pas vòstras modificacion en tornar installar SPIP.

De notar: L’article sus las variablas de personalizacion explica cossí far per recaptar las esqueletas del sit dins un josrepertòri, per las versions anterioras a [SPIP 1.8].

Autor : Mòni Publié le : Mis à jour : 26/10/12

Traductions : عربي, български, català, Deutsch, English, Español, français, italiano, òc lengadocian, Türkçe