L’ajuda en linha

SPIP integra una ajuda en linha completa, que se pòt trobar, dins l’espaci privat, en clicar lo ponch d’interrogacion disponible d’en pertot.

Lo boton principal de dobertura de l’ajuda en linha se trapa dins de la barra de navigacion de l’espaci privat, amont a man drecha de la pagina: s’agís d’una icòna de color violeta amb un ponch d’interrogacion (la podètz pas mancar):

Vos recomandam en particular de legir la pagina "Articles/Acorchas tipograficas", que vos indica cossí far la mesa pagina de vòstres articles jos SPIP.

Traparetz un fum de pichons ponches d’interrogacion semenats dins totes los caires de l’interfàcia privada : aquò es l’interés màger d’aquesta ajuda en linha, cada ponch d’interrogacion vos mena drech a la part de l’ajuda correspondent a çò que sètz a far. Alavètz cal pas esitar de n’usar e de n’abusar.

Pel de mai, veiretz a l’usatge que l’interfàcia d’SPIP es realament simpla. E coma redactor, vos cal pas esitar de palpejar : riscatz pas gaire de far de mal.

Autor : Mòni Publié le : Mis à jour : 26/10/12

Traductions : عربي, български, català, corsu, Deutsch, English, Español, فارسى, français, italiano, Nederlands, òc lengadocian, Português, română, slovenčina, svenska, Türkçe, українська