Kosa i lé lo lisans GNU-GPL
SPIP lé inn lozisyèl lib i pé ansèrv sanm lo lisans GPL (ni éspè tradwi osi ali, koméla anon lir inn vèrsyon GPL-la an fransé. Lisans-la ni apèl osi ali Lisans piblik zénéral GNU. I donn aou bann libèrté pou suiw :
- libèrté po instalé é ansèrvir SPIP kiswa lizaz ou vé fé èk li ;
- libèrté po rogad èk étidyé lo manyit li marsé ; é adap ali pou tout bann bézwin prési ou néna. Ou néna osi toudswit in laksé lo kodsours lozisyèl-la ; lo lé tout an PHP ; ou pé sanz ali kom saki vé solon out bann bézwin ;
- liberté donn bann moun bann kopi lo program-la, kiswa lo moun ou donn ali, é somansi ou sanz pa ni kraz pa son lisans ;
- libèrté rann méyèr nout lozisièl SPIP è donn domoun out bann zamélyorasyon ; komsa lansanm lakominoté i pé gagny lavantaz lo travy ou la fé. Byin sir, lé posib sèlman si ou sanz pa ni kraz pa lo lisans SPIP ;
Inn lozisyèl lib lé pa inn lozisyèl sak la tonb "anndan dominn piblik". Ifo pa ou mélanz tout banna. Lo lisans GPL (lisans lo lozisyèl lib) lé korèk akoz i anpès inndé moun malisye i akapar lo lozisyèl lib. Kontrèr, inn lozisyèl lo dominn piblik i pé èt sanzé an lozisyèl propriyétèr.
Ou néna tout bann libèrté ni la présizé anlèr, si ou réspèk lo lisans GPL ; Si ou vé donn demoun ou-minm lo lozisyèl SPIP, ou si ou la fé inndé sanzman si lo kod, ou pé pa mèt inn lisans sak i sré kontrèr lo lisans GPL (pa égsanp, inn lisans sak i sré pou anlèv demoun lo drwa sanz lo kodsours é rann ali piblik).
Bann konséy pratik
Bann zotèr de SPIP i donn ali gratwitman, somansa i donn pa okinn garanti si lizaz ou sava fé èk lo program-la.
Pu pé ansèrv SPIP pou tout bann zaktivité personèl, po out travay o pou ou laktivité komèrsyal. Ou lé lib swazi lo pri out sèrvis si ou néna banna komsa, é azout inn kontra po inn garanti ; somansa, ni présiz ankor, out prop kontra li dwa pa è kontère léspri lo lisans GPL ni la atas SPIP (ou pé pa anpès out kliyan sanz lo kod lo programm ou la ou minm sanzé).
Andan SPIP ou sar trouv lo tèks lo lisans GPL (an anglé) est fourni avec SPIP ; i pé lir ali anba sakinn paz léspas privé.
Ni indik anba tèrla lo tèks lo lisans an fransé :
SPIP, Système de Publication pour l’Internet
Copyright © 2001-2003, Arnaud Martin, Antoine Pitrou et Philippe Rivière pour le Minirézo.
Ce programme est un logiciel libre ; vous pouvez le redistribuer et/ou le modifier conformément aux dispositions de la Licence Publique Générale GNU, telle que publiée par la Free Software Foundation ; version 2 de la licence, ou encore (à votre choix) toute version ultérieure.
Ce programme est distribué dans l’espoir qu’il sera utile, mais SANS AUCUNE GARANTIE ; sans même la garantie implicite de COMMERCIALISATION ou D’ADAPTATION A UN OBJET PARTICULIER. Pour plus de détails, voir la Licence Publique Générale GNU .
Un exemplaire de la Licence Publique Générale GNU doit être fourni avec ce programme ; si ce n’est pas le cas, écrivez à la Free Software Foundation Inc., 675 Mass Ave, Cambridge, MA 02139, Etats-Unis.