I stacci

Astutelli sti mudelli ...

I stacci mutanu a forma di u cuntenutu di a basa di dati in còdice HTML à cristianinu.

I cicli (BOUCLES) permettenu di strutturà a pàgina d’un puntu di vista lògicu, ma dopu bisogna sempre à fà una prisentazione di i dati chì ùn sia micca troppu goffa. Per u «design», SPIP vi serà di pocu aiutu, ma siate puru malignu cum’è un mulinaghju, è usate puru i so stacci...

Un datu cullucatu in basa di dati hè infatti un pacchettu di testu, è ghjè lege di vulè manighjà u so valore prima di fà lu cumparisce à u screnu. Apposta anu fattu i stacci :

-  i stacci i più aduprati (venenu chjamati in autumàticu) sò |typo è |propre ; u primu hè un currettore tipugràficu, è a so missione principale hè d’aghjunghje spazi micca spicchèvuli induv’ellu ci vole (cf. l’aiutu in ligna di SPIP) ; u secondu s’interessa à i paràgrafi, à l’accurtatoghji SPIP (itàlicu, grassettu, intertìtulu, etc.) - vene appiecatu da predefinitu solu à i testi longhi (#TEXTE, #CHAPO, etc.)

-  sò assai ùtuli ancu altri stacci: ammintemu |majuscules (chì si capisce sùbbitu ciò ch’ellu face), |justifier o |aligner_droite (chì definisce l’alignamentu di u testu longu l’orli verticali), o puru u stranu |saison (chì face cumparisce « estate » s’ella hè cumpresa a variàbile di data frà u 21 di ghjugnu è u 20 di settembre)...

Per aduprà un stacciu, bisogna à inquatrà a variàbile cù parèntesi è ancini (videremu dopu e cunseguenze) : [blà blà blà (#VARIABILE|stacciu) blò blò blò]

Si ponu infilarà i stacci l’uni dentr’à l’altri [1] : cusì ne, [(#DATE|saison|majuscules)] ferà cumparisce «INGUERNU».

Eserciziu chì porta nant’à tutte e lezziò in prima : Fà cumparisce in lèttere maiùscule i 10 artìculi i più nuvelli in a rùbbrica passata in cuntestu, è mette in cima di pàgina a stagione currente (vale à dì a stagione in cui hè statu pubblicatu l’artìculu u più nuvellu di tutta a basa).

...

Ma perchè quelli ancini [...] ? Adimettimu chì a vostra basa cuntenga artìculi cù data, è altri senza data. In u primu casu, a variàbile #DATE vale «2001-07-01 10-53-01» (data in furmatu mySQL), è «0000-00-00 00-00-00» in u secondu. Per fà cumparisce a data in un bellìssimu (?) quatru, scriveremu in u mudellu e ligne più sottu:

[<table border="1"><tr><td>
(#DATE|affdate)
</td></tr></table>]

Custì, u stacciu |affdate face cumparisce a data cù e lèttere (in furmatu « 1u di lugliu di u 2001 »), ma rimanda una catena viota in casu ch’ella sia scunnisciuta a data (uguale à «0000...»). L’ancini facenu da cunfine à ciò chi si deve fà cumparisce in giru à a data, s’ellu ùn hè viotu u risultatu frà parèntesi.

Fatta fine: solu l’artìculi datati facenu cumparisce un tavulone chì cuntenenu a data. Un mudellu fattu cum’è di si deve definiscerà di modu precisu ciò chì deve cumparisce o micca secondu u cuntenutu... Ancu à què ghjovanu i stacci...

Note

[1È cusì si puderà chjamà un «pipeline»...

Ammintemu chì certi stacci di prisentazione ponu esse rimpiazzati cù ragioni da foglie di stile. Cusì ne, |majuscules vene uguale à l’attributu CSS «text-transform: uppercase», è |justifier à «text-align: justify».

Leghjite puru Les feuilles de style de SPIP per sapè ne di più nant’à i stili CSS pruposti da SPIP.

Autore tavamig Publié le : Mis à jour : 21/03/23

Traductions : عربي, català, corsu, Deutsch, English, Español, français, italiano, Nederlands, Português, русский, slovenčina, Türkçe, українська