Ciò chì hè richiestu per stu tuturiale
- SPIP stallatu in qualchì locu. Adimettimu chì, à principiu, ch’ella cuntenga a vostra basa SPIP omancu una rùbbrica è dui artìculi pubblicati. S’ella ùn hè cusì, cupiate puru i dui primi testi chì vi passanu à tiru da fà ne dui artìculi (siate sicuru quantunque chì ùn sò lèttere d’amore indirizzate à a moglie di u vostru vicinu di scagnu...).
- Un editore di testu da creà o mudificà i schedari usitati da SPIP (per esempiu notepad di Windows).
1. In e versioni prima di SPIP 1.9, prima d’aduprà un mudellu, ci vole à pudè lu chjamà. Sè vo avete una versione da SPIP 1.9 inquà, passate puru à u puntu più indà. O sinnò, create à a ràdica di u vostru situ un schedariu tutoriel.php3 chì cuntenga ste ligne :
<?php
$fond = "tutoriel";
$delais = 0;
include "inc-public.php3";
?>
Poi pruvate appena in u vostru navigatore: http://uvostrusitu.net/tutoriel.php3. Hè tuttu què ne ? Iè, và bè ma u messagiu d’errore vi dice ch’ellu manca un schedariu. Ghjè u famosu mudellu, l’emu da creà sùbitu avà.
SPIP 1.9 hà simplificatu assai a creazione di mudelli, franchendu vi sta prima tappa di chjama à u mudellu. Difatti, da a versione 1.9 inquà, ùn ci hè più schedariu .php3 (o .php ch’ellu sia) per i mudelli, chì tutti quanti sò calculati da l’ùnicu script spip.php.
A sèguita di stu tuturiale ferma vàlida qualessa sia a versione di SPIP stallata.
2. In u cartulare squelettes/ (da creà à a manu à a ràdica di u situ s’ellu ùn esiste), mettite ci un schedariu tutoriel.html, chì cuntenga ste ligne :
<BOUCLE_article(ARTICLES){id_article=1}>
#TITRE
</BOUCLE_article>
Poi chjamate a pàgina http://votresite.net/spip.php?page=tutoriel (o ricaricate a pàgina http://uvostrusitu.net/tutoriel.php3, sè vo avete una versione prima di SPIP 1.9) :
SPIP hè andatu à circà u tìtulu di l’artìculu n°1 di a vostra basa, è l’hà scrittu in piazza di #TITRE.
S’ella ùn vole viaghjà, verificate chì u vostru artìculu n°1 hè « pubblicatu » bè (è micca « prupostu à a valutazione » ou « in corsu di scrittura »).
Poi scrivite ci qualchì còdice HTML è altre chjame à «campi» SPIP, è cusì ottenite u vostru artìculu n° 1:
<BOUCLE_article(ARTICLES){id_article=1}>
<h1>#TITRE</h1>
<b>#CHAPO</b>
<div align="justify">#TEXTE</div>
</BOUCLE_article>
Aghjunghjite dopu i campi chì mancanu per fà cumparisce tutte l’infurmazioni di l’artìculu chè vo vulete : #SURTITRE, #LESAUTEURS, #SOUSTITRE, #NOTES, etc.
Bravu !