Inserisce fòrmule matemàtiche cù LaTEX

Inizia [SPIP 1.8] una funziunalità di quelle putente chì permette d’inserisce in i testi unepoche di fòrmule matemàtiche cumplesse, usendu a sintassa di TEX/LaTEX.

Per esempiu permette sta funziunalità di fà cumparisce una fòrmula à l’usu :

{\displaystyle z=\left( \frac {e^{i\theta}+e^{-i\theta}}{2}\right)^2  +\left(\frac{e^{i\theta}-e^{-i\theta}}{2i} \right)^2}

cudifichendu la direttamente dentru à u testu, cum’è di règula si face cù TEX.

Nutate bè : Bella sicura, l’adopru di quellu mètudu necessiteghja a pràtica di a sintassa di e fòrmule in TEX, è ùn hè quessa robba cusì asgiata ... [1]

Imàgini à mezu à u testu

À livellu tècnicu, u mètudu trasfurmeghja ogni fòrmula in imàgine chì vene dopu à cumparisce à mezu à u testu. Oghje ghjornu ferma questu u mètudu u più sèmplice è u più valente da presentà cum’ellu ci vole fòrmule matemàtiche nant’à una pàgina Web.

Fin’ad avà, ùn cunvene mancu appena a presentazione di fòrmule matemàtiche nant’à pàgine Web ch’ellu prupone u standard MathML, per via di a cusì poca sicurezza patuta da a so implementazione in i diversi navigatori. A suluzione ritenuta da SPIP (vale à dì l’integrazione d’imàgini chì figureghjanu e fòrmule) ferma oghje ghjornu a sola chì guarantisca à tutti i visitori d’un situ di pudè vede cum’è di si deve e fòrmule matemàtiche.

Hè impurtante di capisce chì, dentru à SPIP, solu e fòrmule venenu trasfurmate. Mancu appena si parla, in particulare, d’aduprà e macrofunzioni di TEX da rializà l’appaginamentu di u ducumentu. Si tratta solu quì d’un arnese cunsacratu à l’integrazione di e fòrmule matemàtiche dentru à un ducumentu cudificatu secondu e règule di SPIP.

Sintassa dentru à SPIP

A sintassa dentru à SPIP cunsiste à piazzà u testu aggalabatu trà i seguenti pseudo-tags :

<math>
     ...
     Quì ci venenu e e fòrmule matemàtiche
     ...
</math>

Siccume venenu solu trattate e fòrmule matemàtiche, omu pò aghjunghe <math>...</math> assai di più à a larga (per parlà più chjaru, omu pò mette <math> à u principiu di u testu, è </math> in fondu in fondu ...).

A sola incumpatibulità serà quandu omu vole fà cumparisce u sìmbulu «dollar» ($) in u testu, essendu adupratu questu per circundà e fòrmule. (Eccu la, in verità, a ragione di l’esistenza di i còdici <math></math>.)

À l’internu di quelli pseudo-tags, omu cudificheghja e so fòrmule matemàtiche secondu e norme di TEX, inquatrendu le cù dollars ($) o doppiudollars ($$) da ch’elle venganu centrate e fòrmule.

Eccu un esempiu :

Omu pò inserisce matrice :  \begin{pmatrix}elementu1&elementu2 \\elementu3&elementu4\end{pmatrix}
o frazzioni, à l’usu : {1\over z}, {1\over\displaystyle 1+{1\over x}}
aduprà lèttere greche : \alpha, \beta, \gamma, \Gamma, \varphi
centrà e fòrmule di quelle cumplesse :

\left|{1\over N}\sum_{n=1}^N \gamma(u_n)-{1\over 2\pi}\int_0^{2\pi}\gamma(t){\rm d}t\right| \le {\varepsilon\over 3}.

serà cusì cudificatu :

Omu pò inserisce matrice : $ \begin{pmatrix}elementu1&elementu2 \\elementu3&elementu4\end{pmatrix}$
o frazzioni, à l'usu : ${1\over z}$, ${1\over\displaystyle 1+{1\over x}}$
aduprà lèttere greche : $\alpha$, $\beta$, $\gamma$, $\Gamma$, $\varphi$
centrà e fòrmule di quelle cumplesse :
$$\left|{1\over N}\sum_{n=1}^N \gamma(u_n)-{1\over 2\pi}\int_0^{2\pi}\gamma(t){\rm d}t\right| \le {\varepsilon\over 3}.$$

Hè cunfinatu u sistema à a messa in forma di e fòrmule matemàtiche, è per quessa sò disattivate tutte l’altre funzioni di TEX. Frà l’interdetti i più impurtanti sò : ùn hè pussìbule di definisce e so proprie macros (hè disattivatu \def...{...}) è e macros aduprate fora di e fòrmule matemàtiche ùn sò mancu appena ricunnisciute. À longu andà, omu truverà ancu altre limitazioni, ma tenerà sempre à mente chì u scopu hè d’integrà fòrmule matemàtiche à mezu à i so testi, è basta ...

À prò di i webmaestri

Sò trattate l’equazioni in modu cliente-servore : sò mandate e fòrmule à un servore, è quessu ritorna à u vostru situ i schedari gràfichi di quelle equazioni. (Bella sicura venenu salvati i schedari nant’à u vostru sistema, è u scambiu si lancia una volta sola per ogni equazione.)

Per sapè ne di più nant’à u sistema adupratu, cunsultate puru e pàgine di u Wiki cunsacrate à LaTeX è i servori LaTeX. Custì ci truverete in particulare qualchì spiegazione per muntà vi u vostru propriu servore d’equazioni, da ùn dipende più da u nostru servore centrale.

Note

[1vede wikipedia : Aide:Formules_TeX

Autore tavamig Publié le : Mis à jour : 15/07/20

Traductions : català, corsu, English, Español, français, italiano, Nederlands, Português do Brasil, slovenčina, українська