E lee chì aprenu una nuvella finestra

Tanti internauti è webmaestri (sopratuttu principianti) pensanu chì certe lee in i siti devenu apre, in modu ubbligatoriu, una nuvella finestra di u navigatore. A squatra di SPIP, cum’è tante altre, pensa ch’ella hè un gattivu affare.

-  In casu ch’ella sia veramente necessaria, bisogna à inserisce a lea direttamente in HTML, à a manu, senza aduprà l’accurtatoghju SPIP. Da furzà l’apertura d’una lea in una nuvella finestra, vi basta à aghjunghje l’attributu HTML target cù u valore _blank, cusì scrivendu : <a href="pagina.html" target="_blank">Tìtulu di a lea</a>.

-  O sinnò, da facilità appena a vita di i webmaestri chì à tutti patti vulerebbenu usà sta funziunalità, esiste un stacciu |liens_ouvrants (à piazzà dentr’à i mudelli) chì caccia tutte e lee esterne (vale à dì quelle versu un altru situ) inserite per via di l’accurtatoghju SPIP [titre->http://www.uzine.net/spip].

Appena di storia: Durante u sviluppu di SPIP, voltu settembre di u 2002, emu lanciatu l’idea d’un secondu accurtatoghju per e lee ipertestu, ma dopu tante matriculate l’emu lasciata corre : và bè, ùn ne parlemu più ;-)

Sò propriu da sbanisce tutti l’altri mètudi, è eccu ne e ragioni :

  1. À spessu vene mintuvatu dentr’à e liste SPIP qualchì sintassa d’accurtatoghju SPIP à l’usu [testu->URL" target=..."], è hè tenutu da « suluzione ». Ma hè propriu a peghju di e suluzioni ! Difatti, in casumai chì omu voli fà qualcosa di ste lee (per esempiu, ùn a so eo, integrà e lee in qualchì tàvula da verificà le à tempi regulari), quelli chì averanu adupratu quella sintassa seranu in un bellu colpu, chì l’affare risicheghja d’ùn viaghjà micca ...
  2. L’accurtatoghju [testu->>lea], spermintatu trà u 21/09 è u 13/12 di u 2002 in e versioni di sviluppu ùn dete suddisfazzione. Cagiunava troppu prublemi di cuntrollu à i webmaestri chì ùn lu volenu micca.

A suluzione vera, dimu la torna, hè d’ùn aduprà propriu micca e lee chì aprenu finestre ; l’altra pussibulità, micca tantu bona, hè d’aduprà le solu per e lee esterne, aduprendu u stacciu |liens_ouvrants.

Autore tavamig Publié le : Mis à jour : 26/10/12

Traductions : català, corsu, English, Español, français, italiano, Nederlands, òc lengadocian, Português do Brasil, slovenčina