Òspiti chì accettanu SPIP

Un òspite sì, ma qualessu ?

Hè oramai dispunìbule una lista d’òspiti, cumpatìbuli o micca cù SPIP, nant’à u Wiki di SPIP-contrib.

Per piacè cuntribuite puru ancu voi à arricchisce stu situ, hè un arnese praticatu è stimatu da tanti utlizatori principianti.

Dumande / risposte

U mo òspite ùn ci hè micca in a lista quì sopra. Cumu aghju da fà ?

S’ellu prupone PHP4 accuppiatu à MySQL, hè guasi sicura chì l’affare viaghji quantunque. Di tutta manera, l’uperazione sana, scaricamentu è prove di stallazione, deve piglià solu qualchì decina di minuti à u più, ancu à i strampalati ...

Ma sè vo vulete quantunque sapè capunanzu s’ellu hà da viaghjà l’affare, leghjite puru e dumande quì sottu.

Qualesse sò l’estenzioni di schedari PHP chì sò accettate da u mo òspite ?

Certi òspiti ùn ricunnoscenu micca l’estenzioni .php3, chì sò dinò quelle di i schedari SPIP finament’à a versione 1.8 (quand’è vo pruverete à stallà SPIP, invece di vede a prucedura di stallazione, viderete u còdice fonte cuntenutu in i schedari).

In stu casu, pruvate puru una frà e distribuzioni uriginarie di SPIP pruposte da a cumunità.

Cù qualessa versione di PHP serà cumpatìbule SPIP ?

E versioni 1.8 è 1.9 sò cumpatìbuli cù PHP à parte si di a versione 4.0.8 (versione 5 cumpresa).

Per fà appena di storia, a versione 1.8 di SPIP fù l’ùltima à suppurtà à PHP3.

Cù qualesse versioni di MySQL serà cumpatìbule SPIP ?

Ùn hè stata fatta nisuna prova in quellu sensu, ma di règula cunvenenu tutte e versioni esciute di pocu : in particulare, à parte si di a 3.22.

È cù qualessi i servori, qualessi i sistemi di spluttazione ?

À dì la torna, ùn emu fattu prove in stu sensu custì. Bella sicura, a scelta a più cunsigliata è a più sparta hè Apache, cù qualsìasi Unix (per esempiu Linux, FreeBSD, Solaris, MacOS X...).

Quantunque hè guasi sicura ch’ellu viaghji SPIP ancu cù cunfigurazioni altre. In particulare vene pruvatu assai spessu è cù successu sottu Windows, cù PHP4 è mòdulu Apache. Vi ringraziemu di parlà ci di a votra sperienza cù cunfigurazioni altre chè quelle mintuvate quì sopra.

Per sapè ne di più nant’à a stallazione ?

-  U manuale d’adopru di a stallazione ;
-  è, in casu di prublemu, a FAQ tècnica.

Autore tavamig Publié le : Mis à jour : 26/10/12

Traductions : عربي, català, corsu, Kréol réyoné, Deutsch, English, Español, français, italiano, òc lengadocian, polski, Türkçe