SPIP

[ar] [ast] [bg] [br] [ca] [co] [cpf] [cs] [da] [de] [en] [eo] [es] [eu] [fa] [fon] [fr] [gl] [id] [it] [ja] [lb] [nl] [oc] [pl] [pt] [ro] [ru] [sk] [sv] [tr] [uk] [vi] [zh] Espace de traduction

Telecargar

SPIP 1.7, 1.7.2

Abril de 2005 — mis à jour le : Setembre de 2005

Totas las versions d’aquel article:


[SP<font color="yellow">IP 1.7.2] introdusís de critèris e balisas novèls, e corregís de bugs, en particular :

SPIP en chinés

Lo chinés s’apond a la tièra de las lengas disponiblas : vient compléter la liste des langues disponibles : arabi, bulgar, creòl reünionés, danés, alemand, anglés, esperanto, espanhòl, persan, francés, galèc, italian, neerlandés, occitan (7 versions), catalan polonés, portugés, vietnamian... e chinés !

Creacion automatica de vinhetas

— Mailèu que GD, se pòt emplegar ImageMagick, se los servidor ten aquela librariá librairie sota la forma del modul php «imagick», o de la linha de comanda «convert». (NB: s’emplegatz fink (Mac OS X), caldrà precisar lo camin d’accès /sw/bin/convert dins le fichièr inc_version.php3). ImageMagick baila generalament de resultats grafics de melhora qualitat.
— Qu’empleguèssetz la librariá GD o ImageMagick, las vinhetas se pòdon ara tornar crear se fa mestièr (doncas òm las pòt escafar s’òm càmbia lo metòde de creacion o de talha de vinheta).
— Atencion: Vos cal reglar vòstre metòde preferit de creacion de vinhetas en anar dins la configuracion avançada. Se mantun metòde son disponibles, clicatz sus l’imatge amb lo rendut melhor, se «imagick» es disponible, causissètz-lo puslèu que «convert»: lo metòde d’apèl es mai «net».

Critèris opcionals

Los critèris opcionals permeton d’aver de blocas de mai d’un usatge : basta ara d’apondre un ponch d’interrogacion a un critèri per que se’n tenga compte sonque quora es passat dins lo contèxt. Aquò permet per exemple de simplificar bravament las blocas de backend-dist.html en tot servar la possibilitat de precisar que se vòl sonque lo backend «restrench als articles en creòl» (backend.php3?lang=cpf) o «de la rubrica 7 e sas sotarubricas» (backend.php3?id_rubrique=7).

La bloca s’escriu alara :

Astúcias per completar l’arsenal del multilingüisme :

— lo critèri {lang_select} servís per forçar la seleccion de la lenga per la bloca (AUTEURS), qu’o fa pas normalament (inversament, lo critèri {lang_select=non} permet de dire a las blocas (ARTICLES), (RUBRIQUES) o (BREVES) de seleccionner pas la lenga).

— la variabla de personalizacion $forcer_lang indica a SPIP que li cal verificar que lo vesitaire dispausa d’un cookie de lenga, e s’o es cas de lo mandar a la pagina correspondenta. Es aquò que fa la pagina de connexion a l’espaci privat bailada en estandard amb SPIP.

— las balisas #MENU_LANG (e #MENU_LANG_ECRIRE) afichan un menut de lenga que permet al vesitaire de causir «aquela pagina en...». La primièra balisa aficha la tièra de las lengas del sit; la segonda la tièra de las lengas de l’espaci privat (es emplegada la pagina de connexion a l’espaci privat).

— enfin, los critèris opcionals permeton d’utilizar una meteissa bloca (en fach, una meteissa esqueleta) per afichar siá totes los articles del sit dins totas las lengas, siá solament los articles dins la lenga passada dins l’URL. Aquò pòt èsser util, per exemple, dins las blocas recèrca :

Causòtas

— [SP<font color="yellow">IP 1.7.1] aviá introduch un bug amb la nièra, que respectava pas mai lo saut de paragraf que la precedissiá.
— dins l’afichatge de las estadisticas, s’aficha ara una «prevision» del resultat a la fin de la jornada, basada sus la mejana (per las vesitas del sit) e sus la popularitat de l’article (per las vesitas d’un article). Aquò val çò que val...

***

[SP<font color="yellow">IP 1.7.1] menava qualques melhoranças, que ne vaicí la tièra :

Motor de recèrca :

-  Indexacion de las peticions e dels forums. De notar que los forums son indexats per fil de discussion (thread), e non pas messatge per messatge.

-  Melhorança de la tria {par points} (per ponches) : los articles que contenon exactament los mots demandats an plan mai de ponches que los que contenon pas que de mots començant per los mots de la requista ; en mai d’aquò, quora la requista pòrta sus mai d’un mot, los articles que tenon totes aqueles mots sortiràn ara en cap de tièra. Doncas, lo motor de recèrca ofrís de resultats mai pertinents.

-  Melhorança del motor pels articles en alemand et en vietnamian :

  • en alemand se pòt picar « über », « ueber » o « uber » per trapar lo primièr d’aqueles tres mots (« über ») ; « ueber » n’es la transliteracion «complèxa», e « uber » la transliteracion simpla.
  • en vietnamian, son los accents que son fòrça rics : aital per retrobar lo mot «Người» amb totes sos accents, lo se pòt picar tanplan
    • amb los bons accents
    • sota la forma «nguoi» (sens accents)
    • «ngu7», los accents essent transcodats, en intèrne, amb de chifras
    • Nòta tecnica: per permetre de recèrcas tanben sota la forma «ngu+» (es a dire dirèctament dins la transliteracion costumièra del vietnamian dins Internet), cal far un pretractament de la variabla $_GET['recherche'] per i remplaçar los '`?~.^+(- pel transcodatge 123456789 ; solid, SPIP pòt pas porgir aquel pretractament en estandard, pr’amor que concernís pas que las recèrcas en lenga vietnamiana.

-  Lo subrelinhament del resultats de recèrca es compatible utf-8

Dins las esqueletas :

-  Lo critèri {tout} dins una bloca (RUBRIQUES) aficha tanben las rubricas vuèjas.
-  La balisa #EXPOSER per valorar lo camin d’accès a un article dins las tièras de rubricas o d’articles. (Veire la documentacion).
-  Un filtre nòu pels fichièrs «backend» : |texte_backend
-  Supression sistematica dels numèros-títols dins las responsas dels forums
-  Es ara possible d’anar quèrre una esqueleta amb un paramètre lang=...
-  Dins la meteissa dralha <INCLURE(...){lang}> o <INCLURE(...){lang=xx}> foncionan enfin e pòdon eventualament anar quèrre una esqueleta afinada per lenga (fichièr article.xx.html).
-  Apondi de id_auteur dins las blocas (FORUMS)
-  Possibilitat d’utilizar un critèri {url==...} dins las blocas (SYNDIC_ARTICLES)
-  Balisa #URL_AUTEUR.
-  Lo filtre |couper{} es mai crane, en particular per de longors fòrça cortetas ([(#TITRE|couper{5})] bailarà plan 5 caractèrs).
-  Lo filtre |reduire_image permet de redusir d’imatges a brand, siá en utilizar la librariá gd (o gd2) s’es presenta, siá en precisar width=... height=.... dins lo còde HTML produch

Tipografia:

-  Ajust d’una balisa <poesie>...</poesie> que permet d’intrar de vèrses o de paraulas de cançons amb de sauts de linha adaptats.
-  Melhora gestion tipografica (en francés) de las exclamacions multiplas (Whoah!??!!).

Dins l’espaci privat :

-  En interfàcia completa la pagina ecrire/articles.php3?id_article=x permet una «revision dels espacis insecables» en los afichar en grisat (aquò se fixa dins lo fichièr ecrire/mes_options.php3).
-  Los botons de messatjariá son tornats dins la tièra dels autors

Foncionalitats experimentalas :

-  Creacion de ponches d’intrada dins typo() e propre() per de petaces particulars
-  Ajust de l’opcion $cookie_path (per bricolejar Spip amb d’escriptes extèrnes coma Spikini).

* * *

SP<font color="yellow">IP 1.7(3 de genièr de 2004) veniá completar l’internacionalizacion d’SPIP en portar la possibilitat, mai d’un còp demandada, de far de sits web multilingües. Lo quite sit oficial, ara albergat a http://www.spip.net, es multilingüe (ne profecham per senhalar que los volontaris per participar a las reviradas son benvenguts : rendètz-vos a http://www.spip.net/rubrique4.html).

Salvagardar la basa de donadas

Vos conselham de salvagardar la basa de donadas abans d’actualizar SPIP. Per aquò, anatz dins la partida « Administracion del sit » de l’espaci privat, puèi « Mantenença del sit» e clicatz « Salvagarda de la basa de donadas ». Un còp la salvagarda facha (per aquò vos cal crear un fichièr amb un nom particular dins lo repertòri ecrire/data) poiretz tornar agantar lo fichièr salvagarda (dump.xml o dump.xml.gz).

Aprèp aquela salvagarda, poiretz actualizar SPIP coma o explicam çai-jos.

En cas qu’aguèssetz un problèma e que vos calguèsse restaurar la salvagarda que venètz de far : d’en primièr tornatz installar la version d’SPIP correspondent a vòstra salvagarda (TRAS QU’IMPORTANT) !

ATENCION ! ensagetz pas de restaurar jos 1.7 una salvagarda facha amb una version mai anciana ! Un còp qu’auretz tornat installar la version d’SPIP correspondent a vòstra salvagarda, poiretz restaurar la salvagarda qu’aviatz facha.

Per aver una salvagarda completa, vos cal pas tanpauc oblidar de copiar lo contengut del repertòri IMG/ : aquel repertòri conten los lògos, imatges, documents qu’avètz telecargats a partir de l’interfàcia de redaccion.

Important : Aquela salvagarda es pas qu’una precaucion. Se tot fonciona normalament, auretz ges de besonh de la restaurar. Escafetz pas tanpauc la basa de donadas abans de far l’actualizacion d’SPIP, aquò es inutil e perilhós !

Actualizar

Lo procediment per actualizar es lo meteis que de costuma. Avètz doas possibilitats :

-  Utilizar l’installador automatic, spip_loader.php3 : aquel fichièr lo trobaretz a l’adreiça http://www.spip.net/spip-dev/INSTALL. Remplaçarà automaticament vòstra version actuala d’SPIP per la version 1.7.

Nòta: se l’installacion automatica es pas compatibla amb vòstre sistèma, spip_loader.php3 ne vos avisarà e vos caldrà utilizar l’installacion manuala que descrivèm çai sota..

-  Descargar manualament SP<font color="yellow">IP 1.7 a vòstre sit. Per aquò far, vos cal :

1. Causir un dels archius del repertòri http://www.spip.net/spip-dev/DISTRIB ; podètz causir entre la version completa, que conten totas las lengas, e las versions monolingüas, mai leugièras de telecargar, mas que, per definicion, contenon pas qu’una lenga.

2. Telecargar aquel archiu sus vòstre ordenador personal, e lo descompactar amb un logicial adaptat (per exemple Winzip jos Windows)

3. Mandar los fichièrs aital descompactats a vòstre sit web, per FTP. Los fichièrs, plan solid, los cal mandar al meteis endrech coma la version precedenta d’SPIP.

Un còp installada la version novèla, vos cal permetre al sistèma d’actualizar la basa de donadas. Per aquò, vos demandaràn de crear un fichièr amb un nom precís dins lo repertòri ecrire/data. Aquela seguretat permet de s’assegurar que la persona qu’es a actualizar la basa es plan autorizada d’o far.

Nòta : s’avètz puèi un problèma que vos empache d’accedir a l’espaci privat de vòstre sit, podètz tornar crear un accès en escafar simplament del repertòri ecrire lo fichièr inc_connect.php3, aquò tornarà amodar lo formulari d’installacion del sit.

Un còp SPIP actualizat, podètz profechar de las novetats qu’ofrís la version 1.7. Las detalham çai-sota

Bon astre e bon vam per publicar.

La còla d’SPIP.

Sits multilingües

La version 1.6 enriquissiá enfin SPIP de qualques reviradas permetent d’utilizar l’espaci privat dins diferentas lengas, e aital dobrissiá l’usatge d’SPIP a de redactors de mai d’una lenga. La version 1.7 completa aquel progrès en permetre tanben al sit public d’èsser multilingüe sens cap d’esfòrç de mesa en òbra (levat qualques opcions de configuracion de modificar). Aquela foncionalitat màger (que compren mai d’un aspècte coma l’afichatge de las datas e dels formularis, la seleccion de la tipografia, la gestion de las reviradas d’articles) fa l’objècte d’articles a despart dins aquesta documentacion.

Amb lo multilingüisme apareisson mai d’una aisina dedicada, coma :

-  D’opcions de configuracion especificas
-  Un sistèma de gestion de las reviradas entre articles
-  Una pagina de gestion de las reviradas per lenga
-  Un lòt de cadenas per l’espaci public, ja reviradas en mai d’una lenga

Seguida de l’internacionalizacion

La paleta de las lengas disponiblas s’es enriquida, puèi que, a l’ora d’ara,l’interfàcia de redaccion d’SPIP es revirada dins las lengas seguentas :
-  occitan (dins sos sèt grands dialèctes: auvernhat, gascon, lemosin, lengadocian, niçard, provençal e vivaroalpenc !)
-  catalan
-  francés
-  italian
-  espanhòl
-  portugués
-  anglés
-  esperanto
-  creòl de la Reünion
-  arabi
-  neerlandés
-  vietnamian
-  persan (farsi)
-  alemand
-  danés
-  bulgar
-  polonés

Vòstre sit public profiècha tanben d’aquelas reviradas gràcias a un sistèma de tèxtes prerevirats liurats amb SPIP. Podètz veire foncionar aquel sistèma dins las esqueletas de distribucion d’SP<font color="yellow">IP 1.7 : cambiatz la lenga del sit o d’un article, tornatz calcular la pagina publica correspondenta, e veiretz los tèxtes comuns (navigacion, datas, formularis...) que s’aficharàn dins la lenga causida !

La quita documentacion es en cors de revirada dins un fum de lengas sus nòstre sit oficial (http://www.spip.net). Tot aquò representa fòrça trabalh, i a de plaça per de participants novèls (rendètz-vos dins l’«espaci dels reviraires»).

Autras modificacions importantas

Espaci privat :

-  Una barra grafica d’acorchas apareis en dessús dels camps d’edicion mai importants (tèxt dels articles, brèvas, forums). Permet als novelaris de s’acostumar a las acorchas tipograficas en començar per utilizar los botons de la barra puslèu que lor equivalent al clavièr.

-  Dins l’ecran de login, se pòt causir de demorar identificat qualques jorns, aquò estàlvia de tornar picar tròp sovent son mot de santa Clara.

-  Refonda del calendièr personal (agenda)

JPEG - 13.2 Ko
Calendièr mesadièr
L’interfàcia del calendièr diferéncia mai los elements editorials (publicacion d’articles e de brèvas) dels rendètz-vos (anoncis a totes los participants e messatges personnals).
JPEG - 19.2 Ko
Afichatge d’una jornada
La colomna centrala aficha totes los rendètz-vos. Lo còde color permet de visualizar las nòtas de remembrança (en blau) los rendètz-vos amb d’autres participants (en verd) e los rendètz-vos que concernisson totes (en jaune)
Dins la colomna d’esquèrra, un boton permet de tornar a uèi, e de calendièrs pichons ajudan a navigar d’un jorn a l’autre.

-  Una pagina de seguit a distància de la vida del sit permet de ragantar l’adreiça de sindicacion (RSS) e d’injectar los eveniments del sit dins un calendièr (format iCal).

-  Novèl sistèma de navigacion dins l’ensemble del sit.

JPEG - 23 Ko
Lo sistèma novèl de navigacion

Sit public :

-  Ajust de la balisa #DATE per la bloca DOCUMENTS.

Correccions e apondis mendres

Espaci privat:

-  Se pòt ara configurar una adreiça e-mail expeditritz dels messatges del sit (se la daissatz vuèja, l’adreiça aparenta de l’emeteire es identica a la del destinatari, coma abans).

-  Quora actualizam la basa, SPIP espròva d’en primièr que los dreches d’accès a la basa de donadas basten, e senon aficha un messatge d’error.

-  Avèm renovat completament l’afichatge dels referidors .

-  Doas variablas de configuracion suplimentàrias per mes_options.php3: se pòt decidir qu’SPIP deu ignorar las connexions per REMOTE_USER (.htaccess) e/o per autentificacion http.

-  Desenant los mots de santa Clara pòdon conténer d’accents (amb un jòc de caractèrs 8 bits de tipe iso-8859-1, non pas amb utf-8...).

Sit public, esqueletas:

-  Quora mandatz un messatge dins un forum public, lo nom e l’e-mail utilizats son memorizats e preemplenats automaticament se ne mandatz d’autres pendent la meteissa sesilha. Aquò estàlvia de tornar picar a cada còp son nom pel mond que participan fòrça als forums.

-  Las paginas que correspondon a un article non publicat se meton pas mai dins l’escondedor.

-  Messatge d’error en luòc d’una pagina blanca quora lo servidor pòt pas calcular la pagina e que se tròba pas nimai dins l’escondedor (MySQL indisponible, pel motor de recèrca per exemple).

-  Distincion mai precisa de las errors MySQL dins las esqueletas.

-  Correccion d’una pèca pichoneta pels forums publics : arribava de còps que i a, que la pagina se tornèsse pas calcular automaticament en mandar un comentari novèl.

-  Correccion de la pèca dels {doublons} amb la bloca ierarquia.

-  Pels bricolejaires : possibilitat de tornar definir la balisa #INTRODUCTION , en plaçar dins mes_fonctions.php3 una foncion nòva introduction(...). Vos podètz inspirar, per començar, de la foncion calcul_introduction que trobaretz dins inc-calcul.php3 .

Contengut del sit, e autres :

-  Ajust d’un camp nom_site e url_site als articles (d’activar, sota lo nom de «ligam ipertèxt», dins la configuracion del sit). Las balisas #NOM_SITE e #URL_SITE permeton d’afichar aquelas valors.

-  Supòrt dels jòcs de caractèrs arabis (windows-1256 e iso-8859-6)

-  La configuracion de l’URL del glossari extèrne (per las acorchas de tipe «[?tèrme de recercar]») accèpta ara una escritura mai sopla (jos la forma "url_glossari_amb_de_%s", ont %s se remplaçarà per lo "tèrme de recercar").

-  Compatibilitat MySQL 4.1.0

-  Introduccion d’un mecanisme de gestion de la carga (aquò se destina puslèu als albergadors) : quora SPIP detècta la preséncia, dins ecrire/data/, d’un fichièr nommat lock, s’aquel fichièr es pas tròp vièlh (mens de 10 minutas), evita de far de calculs que sián pas absoludament necites : indexacion, estadisticas, etc.

-  Acorcha tipografica novèla «<quote> ... </quote>», per citar un tròç de tèxt (utila pels forums publics).

-  E mai d’una autra correccion e melhorança.


Veire l’esqueleta d’aquela pagina Sit realizat amb SPIP | Espace de traduction | Espaci privat