SPIP

[ar] [ast] [bg] [br] [ca] [co] [cpf] [cs] [da] [de] [en] [eo] [es] [eu] [fa] [fon] [fr] [gl] [id] [it] [ja] [lb] [nl] [oc] [pl] [pt] [ro] [ru] [sk] [sv] [tr] [vi] [zh] Espace de traduction

Telecargar

Installar Spip

Novembre de 2003 — mis à jour le : Junh de 2005

Totas las versions d’aquel article:


L’installacion d’SPIP es simplassa : en particular, necessita pas de modificar cap de fichièr manualament amb de variablas estranhas. Lo camin de seguir es detalhat çai sota :

  1. Anar agantar lo fichièr d’SPIP sus nòstre servidor, e lo decomprimir sus vòstre ordenador personal. Obtenètz un repertòri « SPIP... » que conten l’ensemble dels fichièrs del sistèma SPIP.
  2. Installar lo contengut d’aquel repertòri sus vòstre sit (per FTP, coma fasètz de costuma per installar de paginas sus vòstre sit).
  3. Vos connectar amb vòstre navigador sus vòstre sit, dins un repertòri titolat « ecrire », ont SPIP vos prepausarà una interfàcia grafica que vos permetrà de configurar lo sistèma. Un còp las qualques informacions de configuracion fornidas, SPIP serà totalament installat e poirètz començar de trabalhar sus vòstre sit.

Configuracion necessària

Vos cal dispausar d’un albergament Web amb :

-  un accès FTP per installar de fichièrs ;
-  lo supòrt de PHP3 ;
-  un accès a une basa de donadas MySQL.

Abans l’installacion, vos cal téner una basa mySQL disponibla. Per mantun albergaire, cal siá emandar a l’administrator que vos active una basa MySQL, siá seguir un procediment automatizat (cossí que siá, activar la basa mySQL a pas res a veire amb SPIP ; en cas de dificultats, i a pas que vòstre albergaire que vos pòt fornir los mots de santa Clara necessaris e explicar cossí activar vòstre compte mySQL).

Vos cal conéisser las donadas de votre connexion MySQL (fournidas per l’albergaire) :

-  l’adreiça de la basa MySQL : per exemple sql.free.fr, o localhost, o vuèja ;
-  vòstre login MySQL : plan de còps lo meteis login que vòstre compte Web ;
-  vòstre mot de santa Clara MySQL : plan de còps lo meteis que lo del compte Web ;
Al installar SPIP, un còp qu’auretz indicat aquelas entresenhas, deuretz tanben precisar :
-  lo nom de la basa de donadas : plan sovent, tòrna prene lo login de vòstre compte Web - es tanben possible que lo servidor permeta que siá vos que creetz aquela basa.

Exemple : se tenètz un compte Web nomenat « monsit » en cò de Free (adreiça http://monsit.free.fr), l’adreiça de la basa mySQL es « sql.free.fr », lo nom de la basa de donadas es « monsit », vòstre login es « monsit » e le mot de santa Clara es lo de vòstre compte. Vos basta d’activar vòstra basa de donadas per php.

Aqueles elements son indispensables : los coneguèssetz pas, contactatz vòstre albergaire per li demandar los vos rementar.

Cap de configuracion especiala de vòstra maquina es pas necessària, SPIP se gerís completament pel web. Avètz pas de besonh que d’un navigador web (quin que siá), e d’un logicial pel transferiment FTP per installar los fichièrs sus vòstre compte.

Installacion automatica (« spip_loader »)

Existís per SPIP una installacion tras que simplficada : basta de telecargar un fichièr sus vòstre servidor e òpa, es installat.
Atencion : aquel biais fonciona pas amb totes los servidors. Aquò marche pas (o veiretz sul pic), anatz a l’etapa 1 çai sota.

Agantatz lo fichièr spip_loader.php3 a l’adreiça çai-sota (se lo fichièr s’afficha dins vòstre navigador, fasètz « Enregistrar jos... ») :
-  http://rezo.net/spip-dev/INSTALL

e telecargatz-lo tal coma es sus vòstre servidor (en cò de vòstre albergador) per FTP. « Vesitatz » aquela pagina amb vòstre navigador web costumièr (l’adreiça serà quicòm coma : http://www.monsit.com/spip_loader.php3) e seguissètz lo camin indicat.

Se lo procediment fonciona, aquel fichieron (7 Ko) vos aganta SPIP sus nòstre quite servidor e lo vos installa en cò de vòstre albergador.
S’amòda alar automaticament lo procediment de configuracion (etapa 3 çai sota).

1. Agantar SPIP

SPIP es disponible en telecargament pel Web a l’adreiça :
-  http://www.spip.net/spip-dev/DISTRIB

Dins aquel repertòri traparetz :
-  un fichièr spip.zip : s’agís de la version completa d’SPIP, conten totas las reviradas disponiblas
-  un repertòri que conten las versions monolingüas d’SPIP (identificadas pel còde de la lenga en doas o tres letras) ; aquelas versions pòdon permetre de limitar l’espaci qu’ocuparà SPIP sus vòstre albergament e/o lo temps de telecargament).

Cusissètz la version que vos interessa, descomprimissètz l’archiu sus vòstre ordenador dins lo repertòri de vòstra causida, puèi installatz los fichièrs en cò de vòstre albergador via FTP.

2. Installar los fichièrs

Installatz l’ensemble dels fichièrs d’SPIP sus vòstre sit, al luòc ont volètz que lo sit generat per SPIP siá accessible al public : en general al raiç del sit, mas aquò es pas obligatòri.

L’estructura es la seguenta :

  • repertòri raiç
    • esqueletas.html
    • un fum de fichièrs.php3
    • repertòri /CACHE (vuèg)
    • repertòri /IMG (vuèg)
    • repertòri /NAVPICS
    • repertòri /ecrire (lo mai important)
      • un fum de fichièrs.php3
      • repertòri /AIDE
      • repertòri /img_pack
      • repertòri /data (vuèg)
      • repertòri /lang
      • repertòri /upload (vuèg)

3. Procediment de configuracion

Tre ara, tot se fa en linha. Basta qu’anetz « vesitar » vòstre repertòri « /ecrire » pel Web.

Exemple : segon nòstre exemple precedent, vos caldriá anar a l’adreiça http://monsit.free.fr/ecrire.

GIF - 7.6 Ko

Quora vos connectatz pel primièr còp a aquela adreiça, un procediment

d’installacion pas a pas s’amòda.

L’interfàcia es simplassa, basta de picar las donadas que vos demanda (mai que mai las informacion a prepaus de vòstra basa de donadas mySQL indicadas a la debuta). Un còp aquò fach, lo sistèma demanda l’identificacion qu’avètz indicada e podètz començar de crear vòstre sit. Los còps seguents, anaretz cada còp trabalhar dins aquel repertòri «/ecrire » amb vòstre login e vòstre mot de santa Clara.

En cada estapa de l’installacion, traparetz un ligam cap a l’ajuda (coma aicí: ) que dobrís una fenèstra d’ajuda en linha explicant cada detalh de l’utilizacion d’SPIP.

(la sola operacion un pauc complicada, que d’unes servidors necessitaràn de far es la seguenta : vos caldrà benlèu modificar los "dreches d’accès" de certanes repertòris ; l’operacion es pas maissanta, e l’ajuda en linha vos balha los detalhs necessaris.)

Si tot s’es plan debanat fins ara, l’installacion es acabada, podètz ara crear e gerir vòstre sit sense cap manipulacion esoterica...

En cas qu’apareguèsson d’errors (de l’estil: avètz oblidat vòstre login per accedir al sit - aquò arriba plan de còps a la debuta...) per tornar amodar l’installacion, cal utilizar lo vòstre logicial FTP e escafar los fichièrs seguents :

/ecrire/inc-connect.php3
/ecrire/.htaccess (se existís)

La connexion seguenta al repertòri "ecrire" amodarà una novèla installacion (en realitat, es l’abséncia del fichièr "inc-connect.php3" qu’o provòca).

Testimoniatz

Per fins de nos ajudar a melhorar aqueste procediment d’installacion, nos agradariá que nos contèssetz vòstra experiéncia dins los forums d’aqueste sit o en escriure a spip@rezo.net (atencion: dins los dos cases las responsas seràn publicadas sus nòstre sit, siá dins lo forum, siá dins los archius de la nòstra lista de discussion).

S’avètz fach l’installacion vos meteis, vos pregam d’indicar :

-  lo nom del vòstre servidor (important, per que balha una idèa dels diferents servidors web compatibles amb SPIP, en particular se son gratuits);
-  las eventualas dificultats encontradas (dificultats d’interfàcia e de compreneson del procediment d’instalacion, aquò farà mestièr per melhorar l’interfàcia o la documentacion) ;
-  e mai se l’installacion s’es debanada sens cap de dificultat, vos mercejam d’o nos far saber (aquò tanben es una informacion interessanta).


Veire l’esqueleta d’aquela pagina Sit realizat amb SPIP | Espace de traduction | Espaci privat