Ai creada una rubrica, mas s’aficha pas sul sit public !

Apareisson pas que las rubricas que tenon al mens un article publicat, e mai las rubricas maires.
Doncas cal al mens escriure un article e lo publicar. Podètz plan segur publicar un article fantòche per fins d’ensajar lo sistèma.

Mas tot aquò o ai fach ! E pasmens i a totjorn pas res qu’aparesca !

Lo sit public marcha amb un sistèma d’amagador, es a dire que los fichièrs son tornar calculats regularaments (cada ora, cada doas oras, cada jorn... segon los reglatges dels escriptes PHP). Aquel sistèma permet d’estalviar los accèsses a la basa MySQL, e de continuar de foncionar e mai MySQL aja fach fogassa (arriba sovent en cò d’unes albergaires de qualitat paura).

Cossí far per que las modificacions que venètz de far s’afichen sul pic :
-  activatz lo pegon (cookie) dempuèi l’espaci privat, aquò aficharà lo boton "Tornar calcular la pagina" a cada pagina de l’espaci public.
-  dins la pagina de l’espaci pubic que desiratz metre a jorn, clicatz "Tornar calcular la pagina" (per exemple la pagina d’index, se desiratz veire s’afichar vòstras rubricas novèlas).