SPIP

[ar] [ast] [bg] [br] [ca] [co] [cpf] [cs] [da] [de] [en] [eo] [es] [eu] [fa] [fon] [fr] [gl] [id] [it] [ja] [lb] [nl] [oc] [pl] [pt] [ro] [ru] [sk] [sv] [tr] [vi] [zh] Espace de traduction

Descargar

Instalar SPIP

Xaneiro do 2004 — mis à jour le : Xaneiro do 2007

Todas as versións deste artigo :


A instalación de SPIP é moi simple: non hai, en particular, ficheiros que modificar «á man» con variables esotéricas. O procedemento é moi simple (tal como se detalla a seguir):
-  1. Descargar o ficheiro de SPIP do noso servidor, e descomprimilo no seu ordenador persoal. Obterá un directorio «SPIP...» que contén o conxunto dos ficheiros do sistema.
-  2. Instalar o contido dese directorio no seu sitio (por FTP, como fai habitualmente para subir as páxinas no seu sitio web).
-  3. Conectarse con navegador ao seu sitio, e dirixirse a un directorio denominado «ecrire», onde SPIP lle propoñerá unha interface gráfica que permite configurar o sistema. Unha vez que os datos de configuración sexan cubertos, SPIP estará totalmente instalado e poderá comezar a traballar sobre o seu sitio web.

image 400 x 400

Configuración necesaria

Debe dispoñer dunha hospedaxe web con:

-  acceso FTP para a instalación dos ficheiros;
-  soporte de PHP3;
-  acceso a unha base de datos MySQL.

Antes da instalación, debe ter unha base mySQL dispoñible. Resulta moi frecuente entre os aloxadores que solicitar a activación dunha base de datos mySQL ao administrador, consista en seguir un proceso automático en liña (en calquera caso, a activación da base mySQL non ten nada que ver con SPIP; se ten dificultades, só o seu aloxador lle pode fornecer as chaves necesarias e explicarlle como activar a súa conta mySQL).

Debe coñecer os datos da súa conexión MySQL (fornecidos polo aloxador):

-  o enderezo da base MySQL: por exemplo sql.free.fr, ou localhost, ou vexa;
-  o seu login MySQL: adoita ser o mesmo login ca o da súa conta Web;
-  a súa chave MySQL: adoita ser a mesma ca a da conta Web;

Logo da instalación, unha vez que se deron os datos indicados, cumprirá precisar :
-  o nome da base de datos: adoita ser o mesmo login da súa conta web - é posible que o servidor lle ofreza a posibilidade de crear vostede mesmo esa base.

Exemplo: se dispón dunha conta chamada «monsite» no provedor Free (enderezo http://monsite.free.fr), o enderezo da base mySQL é «sql.free.fr», o nome da base de datos é «monsite», o seu login é «monsite» e a chave é aquela da súa conta. E xa abonda para activar a súa base de datos para php

Estes elementos son indispensables: se non os coñece, contacte co seu aloxador e solicite que llos recorde.

Non é precisa ningunha configuración especial no seu ordenador persoal, SPIP xestiónase enteiramente en web. Todo o que precisa é dun navegador web(non importa cal), e dun programa de transferencia FTP para instalar os ficheiros a través da súa conta.

Instalación automática («spip_loader»)

Dispoñemos para SPIP dun procedemento de instalación ultra-simplificado: un ficheiro para descarga directa sobre o seu servidor no que xa se instala. Atención: este procedemento non funciona sobre todos os servidores.. Se non funciona (darase conta inmediatamente), pase á etapa 1 que se mostra máis abaixo.

Descarge o ficheiro spip_loader.php3 no enderezo seguinte (se o ficheiro se ‘engancha’ no seu navegador, seleccione « Gardar como... ») :
-  http://rezo.net/spip-dev/INSTALL

e descárgueo tal cal sobe o seu servidor (o do seu provedor) por FTP. «Visite» esta páxina co seu navegador habitual (nun enderezo do tipo: http://www.moncompte.com/spip_loader.php3) e siga o procedemento indicado.

Se o procedemento funciona, este pequeno ficheiro vai descargar SPIP directamente no servidor e instalarse no noso provedor. De seguido, o procedemento de configuración arranca automaticamente (etapa 3 das que se indican a seguir).

1. Descargar SPIP

SPIP está dispoñible para descarga da web no enderezo:
-  http://www.spip.net/spip-dev/DISTRIB

Nese directorio encontará :
-  un ficheiro spip.zip : trátase da versión completa de SPIP, que comprende todos as traducións existentes;
-  un subdirectorio no que se depositan as versións monolingües de SPIP (identificadas polo código da lingua en dúas ou tres letras); escolla aqueles que lle poidan ser útiles para minimizar o espacio de aloxamento ocupado e o tempo de descarga.

Escolla a versión que lle interesa, descomprima o arquivo no seu ordenador nunha localización da súa elección, despois transfira o contido dese directorio ao seu aloxador vía FTP.

2. Instalar os ficheiros

Instale o conxunto dos ficheiros de SPIP no seu sitio, no enderezo onde queira que o web xerado polo sistema sexa accesible ao público: o máis frecuente é na raíz do seu sitio, pero non é obrigatorio.

A título informativo, a estructura é a seguinte:

  • directorio raíz
    • esqueletos .html
    • numerosos ficheiros .php3
    • directorio /CACHE (vide)
    • directorio /IMG
    • directorio /NAVPICS
    • directorio /ecrire (o máis importante)
      • numerosos ficheiros .php3
      • directorio /AIDE
      • directorio /IMG2
      • directorio /data (vide)
      • directorio /lang
      • directorio /upload (vide)

3. Procedemento de configuración

A partir de aquí todo se desenvolve en liña. Abonda con ir «visitar» o seu directorio «/ecrire» do seu web.

Exemplo: segundo o noso exemplo precedente, trataríase do enderezo http://monsite.free.fr/ecrire.

Logo da primeira conexión a este enderezo, un proceso de instalación paso-a-paso arranca. A interface é moi simple, abonda con introducir os datos solicitados (esencialmente os que se refiren á base de datos mySQL indicados ao principio). Unha vez que termine, o sistema pediralle a identificación que vostede lle teña indicado e poderá comezar a xerar o seu web. Doravante, será sempre no directorio «/ecrire» onde deberá traballar, provisto dos seus códigos de identificación.

Para cada etapa do proceso de instalación, encontrará unha referencia correspondente na axuda (coma aquí: ), que provoca a saída dunha axuda en liña que explica cada detalle da utilización de SPIP. (A única operación un pouco complexa aparece en certos servidores: podería ser necesario modificar os «dereitos de acceso» a certos directorios; a operación non é excesivamente problemática, e a axuda en liña proporciona todos os detalles precisos.)

Se todo discorreu ben ata aquí, o procedemento de instalación xa rematou, e pode crear e xestionar o seu web sen ningunha outra manipulación esotérica...

Para o caso de erro grave (do tipo: vostede esqueceu o seu propio acceso ao web - frecuente ao principio...), para «relanzar» este procedemento de instalación cómpre utilizar o seu programa de FTP e sobrescribir os ficheiros seguintes:

-  /ecrire/inc-connect.php3
-  /ecrire/.htaccess (se existe)

A conexión seguinte dentro do directorio «ecrire» relanzará entón o procedemento de configuración (en realidade, é a ausencia de ficheiros «inc-connect.php3» o que provoca o lanzamento deste proceso).

O seu testemuño

Co fin de nos axudar a mellorar este proceso de instalación, agradeceriamos que nos faga saber a súa experiencia a través do foro «instalación» neste mesmo web, ou escribindo a spip@rezo.net (atención: en ambos os dous casos as respostas serán publicadas no noso web, xa no foro, xa nos arquivos da nosa lista de discusión). Se vostede efectúa a instalación por si mesmo poderíanos indicar:

-  o nome do seu aloxador (importante, por iso, que teñamos unha idea dos diferentes aloxadores compatibles, nomeadamente os gratuítos);

-  as eventuais dificultades encontradas (incluídas as dificultades de interface e de comprensión do proceso de instalación, co gallo dque se poida mellorar a interface ou a documentación;

-  mesmo se a súa instalación se desenvolve sen ningunha dificultade, agradeceriamos que o indique (é unha info interesante).


Ver o esqueleto desta páxina Web realizado con SPIP | Espace de traduction | Espazo privado