SPIP

[ar] [ast] [bg] [br] [ca] [co] [cpf] [cs] [da] [de] [en] [eo] [es] [eu] [fa] [fon] [fr] [gl] [id] [it] [ja] [lb] [nl] [oc] [pl] [pt] [ro] [ru] [sk] [sv] [tr] [uk] [vi] [zh] Espace de traduction

Scaricà

Gestisce u cache

è lascià u servore appena tranquillu, chì averà ancu altri affari à scumbatte...

Dicembre di u 2009

Tutte e versioni di st’artìculu :


Ramintemu chì stu tuturiale hè vàlidu solu finamente à SPIP 1.8.3 è invàlidu da SPIP 1.9 in quà. Hè in corsu di riscrittura in u spaziu privatu di stu situ.

Ma pudete quantunque leghje stu tuturiale lascendu da cantu i schedari .php3 è circhendu i schedari html in u cartulare squelettes/ chè vo averete creatu à a ràdica.

In e lezziò in prima, emu principiatu à custruisce mudelli. Pocu successu ch’ellu hà da avè u nostru situ ! Ci hè da lagnà u servore ch’hà da esse straziatu chì m’ete capitu... O sinnò, nunda di novu in sta lezziò, nè mancu da fà ci duie rise. I dislaziati ponu andà à fà si un girettu pè issi prati...

Da SPIP 1.9 in quà, u tempu di u cache discrittu quì sottu hè definitu in u schedariu html di u mudellu, da una balsa #CACHE{tempu}, per esempiu #CACHE{3600}

Per elli è per i pressati, femu stu riassuntu : in i schedari cum’è tutoriel.php3, scrivite $delais = 3600; invece di 0.

...

Quand’ella vene chjamata una pàgina à SPIP, SPIP feghja s’ella ùn serà micca digià stata calculata capunanzu. Chjamata ch’ella hè per esempiu l’URL http://uvostrusitu.net/tutoriel.php3?id_article=12, SPIP và è feghja in u so sottucartulare CACHE/ s’ellu esiste u schedariu, è paraguneghja l’età di issu schedariu cù u tempu $delais stabbilitu in u schedariu tutoriel.php3.

In u nostru esempiu, aviamu stabbilitu $delais=0; - ciò chì crea un ricàlculu di e pàgine à ogni cunsultazione di u situ. Passemu lu à $delais=3600; (in seconde).

Tandu vene turnata à calculà a nostra pàgina web solu sì, chjamata da qualchì visitore, a so versione in cache hè vechja di più d’un’ora (vale à dì 3600 s.). O sinnò, SPIP leghje solu u cuntenutu di u schedariu in cache [1], è u rimanda senza cunnette si à a basa di dati (fora chì per sciaccà ci qualchì «hit» in e statìstiche).

Cumu stabbilisce sti $delais di modu ch’ellu sia òttimu u raportu frà velocità è càrica di u servore? Miràculu po ùn si ne pò fà, ma vi cunsigliemu di stabbilisce ci un tempu uguale à una ghjurnata (vale à dì $delais=24*3600;) o ancu di più per l’artìculi è e rùbbriche. E pàgine di navigazione e più impurtanti ponu avè ancu $delais più corti (vinti minuti o un’ora per esempiu) s’ellu hè previstu u vostru situ per risponde à l’aghjunte assai à spessu di dispacci è siti sindicati... S’ellu hè spartutu u vostru situ cù altri siti, firmate puru rispettosu di l’altri è ùn vi pigliate micca u tempu sanu sanu di càlculu per pàgine chì pocu à spessu venenu cambiate : serebbe propriu una pazzia chì u ricàlculu di l’artìculi grossi o di e sunte pò durà ancu parechje seconde, è cusì ralentisce ancu e vostre pàgine...

Cumu fà per furzà un ricàlculu, puru passatu u tempu? Per esempiu, emu stabbilitu $delais assai longhi, ma ci simu accortu d’un sbagliu d’urtugrafìa in una pàgina. A currezzione a femu in u spaziu privatu... Avà cumu sguassà à u più prestu sta brutta impiastrata da u nostru bellu situ?

-  Da u spaziu privatu, cliccatu si nant’à « Vede in ligna », vene lanciatu u ricàlculu per e pàgine chì currispondenu à #URL_ARTICLE o #URL_RUBRIQUE di l’artìculu o di a rùbbrica cunsiderata. Hè u casu u più cumunu. Ma per altru restu?

-  In a parte « Salvà/risturà a basa » di u spaziu privatu, un buttone « sviutà u cache » cancella tutti i schedari di u cache (ùtule sè vo fate tante mudìfiche à un situ assai cumplessu, o sinnò, à ùn aduprà micca).

-  Sia cum’ella sia, a suluzione a più sèmplice hè di dumandà à SPIP, in a pàgina d’accogliu di u spaziu privatu, d’«attivà un cookie di currispundenza». Venerà ficcatu stu cookie dentr’à u vostru navigatore, è SPIP vi ricunnoscerà quand’ellu vi manderà a pàgina in u situ pùbblicu : tandu vi prupunerà, in fondu di pàgina, un buttone « Ricaricà sta pàgina ».

Vultemu à u cuntestu : S’ellu vene chjamatu u mudellu cù un cuntestu d’id_article, d’id_rubrique o puru d’id_breve, vi vene prupostu un altru buttone, s’ellu hà trovu SPIP u cookie : « Mudificà st’artìculu (o rùbbrica, o dispacciu) », chì vi porta direttamente versu listessa pàgina in u back-office. Basterààà ?

Per compie :
-  per ragioni chjare, u mutore di ricerca ùn gestisce micca cache, è e pàgine cù foru venenu ricalculate ogni volta ch’ellu hè mandatu qualchì nuvellu cuntributu.
-  u cartulare CACHE/ dentr’à l’arburatura di u situ hè stagliatu in 16 sottucartulari di nùmeri 0, 1, 2... 9, A, B... F, induve venenu assestati i schedari in cache guasi à l’azardu; si chjamerebbe què in corsunglese «hashà u cache», è nunda chè per quessa, ci vulia à mintuvà la.
-  i schedari in cache sò aduprati puru s’ella hè «cascata» a basa di dati, guarantisce quessa chì u situ cuntinuessi à viaghjà in casu di panne di servore mySQL.

Note

[1Per i tercani, si tratta infatti d’un include PHP di u schedariu cunsideratu, chì permette d’eseguisce u còdice da u cache...


Vede u mudellu di sta pàgina Situ fattu cù SPIP | Espace de traduction | Spaziu privatu