Pruvate puru !
Intantu una suluzione eccu la quì :
Chjamemu a pàgina http://uvostrusitu.net/spip.php?page=tutoriel&id_rubrique=1 [*].
Allora, cosa hè accadutu?
U nostru ciclu ARTICLES hè integratu in un ciclu RUBRIQUES. U cuntestu di u ciclu ARTICLES hè l’id_rubrique datu per u ciclu RUBRIQUES, chì ellu và è cerca u cuntestu datu da l’URL (id_rubrique=1). Custì simu à livellu di l’artìculi, cù l’id_rubrique dumandatu, è nunda ùn hè cambiatu.
Invece, u ciclu RUBRIQUES hà permessu à SPIP di piglià i valori di i campi di a rùbbrica cunsiderata: cusì pò omu fà cumparisce u tìtulu #TITRE è u testu #TEXTE di sta rùbbrica. Nutate bè chì stu #TEXTE serebbe quellu di a rùbbrica puru sì omu dumandava dinò #TEXTE in u ciclu ARTICLES. U funziunamentu di modu arburatu di SPIP guarantisce chì u #TEXTE d’un artìculu ùn franchi e cunfine di u ciclu ARTICLES...
Ùltima rimarca : omu hà aghjuntu un stacciu |justifier nant’à u campu #TEXTE. Stu stacciu mudificheghja u cuntenutu di u testu prima di stampà lu in a pàgina finale. Vi piace?