L’interfaccia “Un-seul-click”™ à prò di l’utilizatore SPIP
A più grossa faccenda nant’à sta versione hè stata di pruvà à abbassà u nùmeru di clicchi necessari per accede à e diverse pàgine. Hè stata fatta à prò di l’utilizatori tercani (chì «vincenu» u tempu) è dinò per i principianti, per via d’una più bona vista di l’infurmazioni necessari (per esempiu, tale pàgina ùn hè più «piatta» da sottuparte d’una antra pàgina, ma cumparisce sùbbitu).
Bella sicura emu pruvatu à fà la sempre secondu l’usi di SPIP, vale à dì senza chì l’interfaccia diventi di più cunfusa à i principianti, vulendu facilità u travagliu di i tercani.
A mudìfica chì si vede u più di pettu à e versioni in prima (dipoi a versione 1.4) hè a scumparsa di a seconda asta di navigazione. Tutti l’elementi di quella «seconda asta» cumpariscenu oramai da «popup», passendu cù u topu sopr’à l’elementi principali (riurganizati dinò elli secondu lògiche simplificate — appena cum’è un ritornu à l’antica interfaccia di SPIP 1.0 !). Cusì ogni pàgina riferita in sta «seconda asta» diventa accessìbule d’un cliccu da tutte e pàgine di u spaziu privatu.
Secondu listessa lògica, l’«asta culurita» accoglie, in più di i paràmetri d’interfaccia (culore, misure di u screnu, etc.), qualchì popup da riassume certe infurmazioni ùtuli:
- una navigazione à traversu a ierarchia sana sana di e rùbbriche, per via d’un sistema di menù «à sbucinera»,
- un richjamu di l’artìculi in corsu di scrittura è pruposti à a pubblicazione, è un butttone «creà un artìculu, un dispacciu...»,
- l’interfaccia di ricerca,
- l’accurtatoghji alleati à l’almanaccu internu è à a messageria.
In parechji lochi di l’interfaccia (per esempiu in a pàgina «Cuntrollu»), si puderà rimarcà unepochi di pìcculi buttoni «+». À prò di l’utilizatori tercani (l’assenza di descrizzione di sti buttoni invita à scopre ne l’usu strada facendu), vi mandanu à pàgine specìfiche. Per esempiu, à fiancu à una lista d’artìculi, stu buttone manda à a pàgina «Tutti i vostri artìculi»; à fiancu à una lista di dispacci, u buttone manda à a pàgina di gestione di i dispacci, etc.
Scambiamenti di statu in e liste
Un’interfaccia di scambiamentu di statutu propriu à l’internu di e liste (d’artìculi, per esempiu) permette à l’amministratori di mudificà u statutu di parechji elementi inseme, senza scambià di pàgina. Permette quessa per esempiu di mudificà, sùbbitu sùbbitu, u statutu di tutti l’artìculi d’una listessa rùbbrica (pubblicà li tutti, spubblicà li tutti) senza scambià di pàgina.
Imaginette chì giranu (o micca...)
Sè vo avete funzioni di trattamentu d’imàgini nant’à u vostru servore, pò esse adupratu da SPIP da «adurnà» di modu gràficu u spaziu privatu:
- imaginette di logos in e liste d’artìculi, dispacci, sotturùbbriche,
- imaginette di l’autori in i fori interni.
Ste funzioni gràfiche rendenu l’interfaccia più piacèvule, ma dinò più leghjitoghja (essendu megliu individuati l’elementi di e liste per via d’un pìcculu logo).
Permettenu dinò di fà girà e fottò in a nuvella interfaccia di portafogliu o «portfolio».
L’almanaccu
In più di i scambiamenti gràfichi di l’interfaccia di l’almanaccu internu (o «agenda»), si puderanu rimarcà cinque buttoni chjuchi chjuchi da regulà paràmetri, bellu ergunòmichi :
- i pìcculi rulogi permettenu di sgutuppà più o menu e ghjurnate in matinata o dopumeziornu;
- i cannuchjali «+» è «-» permettenu di vede le ditagliate di più o di menu.
Interfaccia schiettu testuale
SPIP 1.8 inizia una nuvella versione di l’interfaccia, à prò di quelli chì ci vedenu male. Di pettu à a versione «testu» di l’interfaccia (iniziata in SPIP 1.4), sta nuvella interfaccia hè assai «allegerita» (l’interfaccia «testu» di l’interfaccia cunvene à e cunnessioni di quelle lenti, ma hè piuttosta fatta da esse leghjitoghja à chì ci vede bè).
Omu accede à quella interfaccia da l’indirizzu /ecrire/oo, o puru seguitendu a lea «Afficher l’interface textuelle simplifiée» chì vene nant’à i navigatori chì anu u Javascript disattivatu.
Per rivene à l’interfaccia abituale basta à seguità a lea pruposta in fondu di pàgina («Ritornu à l’interfaccia gràfica sana»). Pigliate nota chì omu rivene à l’interfaccia in modu «simplificatu».
À a squatra di i sviluppori (lista di ragiunata
spip-dev) l’interessa assai u parè di qualsìasi utilizatore chì li tocca à praticà quella interfaccia. Ci mancanu assai e testimunienze da pudè megliurisce u sistema à prò d’utilizatori sìmuli.
Ammintemu per compie chì st’interfaccia hè dinò propriu adatta à e cunnessioni assai lenti ch’elli mandanu i zòcculi mòbili, è/o à i screni inchjuculiti (smartphones, PDA cummunichenti).
Spazi più maiò (o micca...)
U spaziu inquatratu «Testu» di u furmulariu di mudìfica d’artìculu occupa oramai a misuara sana di a finestra in altezza. Quandu omu gode d’una definizione di screnu sopr’à 800x600, permette quessa d’accresce assai u spaziu da scrive u so testu.
Di listessu modu, e finestre di «Navigazione veloce» occupa u spaziu sanu di u screnu.
Furmulari dinàmichi
Sò diventati dinàmichi tanti furmulari: buttoni da cunvàlida, caselle da selezzione, è dinò spazi di testu, cumpariscenu o scumpariscenu secondu a scelta di l’utilizatore.
Cusì ne, unepochi di buttoni da «Cunvalidà» cumpariscenu solu quandu omu tocca u menù à sbucinera affiancatu. Puderà omu scopre sìmuli furmulari in u spaziu di cunfigurazione («Paràmetri») di u situ (per esempiu, in u spaziu «Riferimentu di siti», secondu ch’omu sceglie o micca «Gestisce un annuariu di siti Web» o «Attivà a sindicazione autumàtica», si vedenu sùbbitu scambià l’opzioni di cunfigurazione).
Statìstiche
Ùn hè stata cambiata a lògica di e pàgine di statìstiche. Ma si puderà nutà nuvelli buttoni «zoom» da fighjà e statìstiche da più vicinu.
E pàgine di «a scumpartitura di e vìsite» sò diventate dinò assai più capiscitoghje !
À prò di i webmaestri...
Forse i sapientoni di HTML si dumanderanu cumu facenu l’icone maiò di u spaziu privatu à cambià di culore secondu ciò ch’ellu sceglie l’utilizatore... Hè fatta quessa aduprendu icone à u furmatu PNG 24, cù a so trasparenza auturizata («stratu» alpha).
Eppuru, vene cumuna chì Microsoft Explorer ùn sà micca gestisce à bon prò quellu stratu alpha di u PNG24. Infatti, u spaziu privatu di SPIP adopra una minichichja chì permette chì Microsoft Explorer si ghjovi di u stratu alpha. I webmaestri interessati u puderanu aduprà in a parte pùbblica di u so situ, tempu a creazione di i so propri mudelli...
Cunvene à creà una classa di stile, chì bisognerà à attribuisce la à quelle imàgini (pigliate nota: si pò puru attribuisce senza rìsicu sta classa à imàgini di furmatu altru chè PNG, serà quessa inùtule è basta, senza andà à scundisà l’imàgini).
Cusì puderebbe esse definita a classa:
cusì attribbuita in e balise
<img src="..." class="format_png">.Si pò rimarcà chì a classa usa una caratterìstica di Microsoft Explorer: a chjama à un behavior. Hè un schedariu Javascript, presente in u spaziu privatu (
/ecrire/win_png.htc), chì bisogna à ricupià lu à a ràdica di u situ da pudè lu aduprà ancu fora di u spaziu privatu.Apertu stu schedariu di cumpurtamentu (behavior), si viderà ch’ellu chjama un schedariu
/img_pack/rien.gif. Bisogna dunque à ricupià stu schedariu à a ràdica di u situ (da/ecrire/img_pack/rien.gif), è rimpiazzà u percorsu cùwin_png.htcstallatu à a ràdica di u situ.
Ùn vi piace micca u verde ?
Site bellu diffìciule...
I culori di l’interfaccia ponu esse cumplettati d’altri culori, o puru scambiati. Per quessa, basta à aghjunghje certi valori in un schedariu /ecrire/mes_options.php:
Quì per esempiu, emu rimpiazzatu u verde (variàbile «1»; i culori di prima stallazione sò numerutati da 1 à 6, si pò puru mudificà le tutte), è aghjuntu un nuvellu culore ($couleurs_spip[] indetta ch’ellu hè statu aghjuntu un culore à u tavulone (array) $couleurs_spip).