Cumpariscenu solu e rùbbriche chì anu omancu un elementu (artìculu, dispacciu, rùbbrica) pubblicatu (impurtante !), è e rùbbriche di livellu sopr’à queste. À u minimu bisogna dunque à scrive un artìculu è poi pubblicà lu. Di sicura pudete pubblicà qualchì artìculu « per a scusa », solu in u scopu di pruvà u sistema.
Aghju fattu tuttu, ma ùn mi vene nunda !
U situ pùbblicu adopra un sistema di « cache », vale à dì ch’elli venenu ricalculati i schedari à tempi regulari (ogni ora o ogni duie ore, secondu cum’elli sò parametrati i scripts PHP). Permette quessa di risparmià tanti accessi à a basa MySQL, è di sempre viaghjà ancu in casu ch’ella caschi MySQL (accade abbastanza à spessu cù certi òspiti di poca qualità...).
Vi tuccherà dunque à furzà u càricu di a pàgina chè vo pensate sbagliata per vede e vostre currezzioni. Per quessa, attivate puru u «cookie di currispundenza» da u spaziu privatu, tandu cumpariscerà un buttone «ricaricà sta pàgina» nant’à ogni pàgina di u situ pùbblicu. Poi cliccate puru nant’à stu buttone, per ogni pàgina vulsuta (per esempiu a pàgina d’accogliu, sè vo vulete vede e vostre prime rùbbriche).